ଗୁଆହାଟି,୧୯।୭: ଆସାମରେ ପ୍ରତିବର୍ଷ ବହୁ ପରିମାଣର ଡ୍ରଗ୍ସ ଜବତ କରାଯାଏ। ରାଜ୍ୟରେ କୋଟି କୋଟି ଟଙ୍କାର ବେଆଇନ ଡ୍ରଗ କାରବାର ହୋଇଥାଏ। ଏହି ଡ୍ରଗ କାରବାର ବିରୋଧରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଏକ ଅଭିଯାନ ଆରମ୍ଭ କରିଛନ୍ତି। ଏବେ ତାଙ୍କର ଏକ ଭିଡିଓ ସାମ୍ନାକୁ ଆସିଛି। ଭିଡିଓରେ ସେ ନିଜେ ବୁଲଡୋଜର ଚଳାଇ ପୋଲିସ ଧରିଥିବା ଡ୍ରଗ୍ସକୁ ନଷ୍ଟ କରୁଥିବା ଦେଖାଯାଇଛି। କୁହାଯାଉଛି ଯେ ଏହି ଭିଡିଓ ଆସାମର ନଗାଁଓରୁ ଆସିଛି। ସେଠାରେ ‘ସିଜ୍ଡ ଡ୍ରଗ୍ସ ଡିସ୍ପୋଜାଲ୍’ ନାମକ ଏକ କାର୍ଯ୍ୟକ୍ରମ ସମୟରେ ମୁଖ୍ୟମନ୍ତ୍ରୀ ଡ୍ରଗ୍ସ ଉପରେ ବୁଲଡୋଜର ଚଳାଇଥିଲେ।
ଏହାପୂର୍ବରୁ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ସାରମା ମଧ୍ୟ ତାଙ୍କ ଟୁଇଟରେ ଏହାର କିଛି ଫଟୋ ଶେୟାର କରିଥିଲେ। ଏଥିରେ ସେ କହିଛନ୍ତି ଯେ, ହୋଜାଇରେ ‘ସିଜ୍ଡ ଡ୍ରଗ୍ସ ଡିସ୍ପୋଜାଲ୍’ କାର୍ଯ୍ୟକ୍ରମ ଅଧୀନରେ ଡ୍ରଗ୍ସ ପୋଡି ଦିଆଯାଇଛି। ଏହି ସମୟରେ ୩୫୩.୬୨ ଗ୍ରାମ ହିରୋଇନ, ୭୩୭.୭୩ କିଲୋଗ୍ରାମ ଗଞ୍ଜେଇ ଏବଂ ୪୫,୮୪୩ ବିଷାକ୍ତ ଟାବଲେଟରେ ନିଆଁ ଲାଗିଯାଇଥିଲା। ଅନ୍ୟପକ୍ଷରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା କହିଛନ୍ତି ଯେ, ରାଜ୍ୟରେ ବେଆଇନ ଡ୍ରଗ୍ସ କାରବାର ବାର୍ଷିକ ପାଞ୍ଚ ହଜାର କୋଟି ଟଙ୍କା ରହିଛି। ଏହା ସହିତ ଡ୍ରଗ୍ସ ବିରୋଧରେ ଲଢେଇ ଜାରି ରଖିବାକୁ ସେ ପୋଲିସକୁ ଅନୁରୋଧ କରିଥିଲେ।
The Last Rites of Drugs in Assam!
In 'seized drugs disposal' program at Hojai today, 353.62 grams heroin, 736.73 kg ganja and 45,843 tablets have been destroyed.
MLAs @SibuMisra, @RKGhoshBJP, Sirajuddin Ajmal, Ex MLA Shiladitya Deb and @DGPAssamPolice were present. 1/3 pic.twitter.com/Kb8Da1e1XV
— Himanta Biswa Sarma (@himantabiswa) July 18, 2021
