ଦିସପୁର, ୧୦।୧୦: ଆସାମର କାଜିରଙ୍ଗା ଜାତୀୟ ଉଦ୍ୟାନ ପରିସରରେ ରବିବାର ଏକ ଗଣ୍ଡା ରାସ୍ତା ପାର୍ ହୋଉଥିବା ବେଳେ ଟ୍ରକ୍ ଧକ୍କା ଦେଇଛି। ଯାହାର ଭିଡିଓ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ସୋସିଆଲ ମିଡିଆରେ ଶେୟାର କରିଛନ୍ତି। ଏହାସହ ଟ୍ରକ୍ ଡ୍ରାଇଭରଙ୍କୁ ଅଟକାଇ ଜରିମାନା କରାଯାଇଥିବା ମୁଖ୍ୟମନ୍ତ୍ରୀ ଶର୍ମା କହିଛନ୍ତି। ଭିତ୍ତିଭୂମି ସମ୍ପ୍ରସାରଣ ଏବଂ ବିକାଶ ପ୍ରକଳ୍ପ ଯୋଗୁ ସଡ଼କ ଦୁର୍ଘଟଣାରେ ବନ୍ୟଜନ୍ତୁଙ୍କ ମୃତ୍ୟୁ ବାରମ୍ବାର ଚିନ୍ତାର କାରଣ ହୋଇଛି। ଅପରାଧୀଙ୍କ ବିରୋଧରେ ଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ବୋଲି ମୁଖ୍ୟମନ୍ତ୍ରୀ କହିଛନ୍ତି।
ହିମନ୍ତ ବିଶ୍ୱ ଶର୍ମା ଶେୟାର କରିଥିବା ଭିଡିଓରେ ଏକ ଗଣ୍ଡା ହଠାତ୍ ରାଜପଥକୁ ଆସିବା ପରେ ଟ୍ରକ୍ଟି ଗଣ୍ଡାକୁ ଧକ୍କା ଦେଇଥିଲା। ଫଳରେ ଗଣ୍ଡାଟି ତଳେ ପଡିଯାଇଥିଲା। କିଛି ସମୟ ପରେ ପୁଣି ଉଠି ଜଙ୍ଗଲ ଭିତରକୁ ପଳାଇଥିଲା। ମୁଖ୍ୟମନ୍ତ୍ରୀ କହିଛନ୍ତି , ଗଣ୍ଡା ଆମର ବନ୍ଧୁ । ସେମାନଙ୍କ ଜାଗାରେ କୌଣସି ଉଲ୍ଲଂଘନକୁ ଅନୁମତି ଦିଅନ୍ତୁ ନାହିଁ ।
Rhinos are our special friends; we’ll not allow any infringement on their space.
In this unfortunate incident at Haldibari the Rhino survived; vehicle intercepted & fined. Meanwhile in our resolve to save animals at Kaziranga we’re working on a special 32-km elevated corridor. pic.twitter.com/z2aOPKgHsx
— Himanta Biswa Sarma (@himantabiswa) October 9, 2022
