ଗୁଆହାଟୀ,୨୭।୧୦: ନିଜ ଜୀବନସାଥୀ ଜୀବିତ ଥିବା ଅବସ୍ଥାରେ ଦ୍ୱିତୀୟ ବିବାହ କରିପାରିବେନି ସରକାରୀ କର୍ମଚାରୀ। ଏପରି ନୂଆ ନିୟମ ଲାଗୁ କରିଛନ୍ତି ଆସାମ ସରକାର। ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ସରକାରୀ କର୍ମଚାରୀଙ୍କୁ ରାଜ୍ୟରେ ଏହି ନିୟମ କଡାକଡି କରିବାକୁ ନିର୍ଦ୍ଦେଶ ଦେଇଛନ୍ତି। ନିର୍ଦ୍ଦେଶନାମା ଜାରି କରି ସରକାର କହିଛନ୍ତି, ଯଦି ସ୍ବାମୀ-ସ୍ତ୍ରୀ ଜୀବିତ ଅଛନ୍ତି, ତେବେ ଅନ୍ୟ ଜଣଙ୍କୁ ବିବାହ କରିବା ପୂର୍ବରୁ ଜଣେ ସରକାରୀ କର୍ମଚାରୀଙ୍କୁ ସରକାରଙ୍କ ଅନୁମତି ନେବାକୁ ପଡ଼ିବ। ତେବେ ଏଥିରେ ଛାଡପତ୍ରର ମାନଦଣ୍ଡ ଉଲ୍ଲେଖ କରାଯାଇ ନାହିଁ। ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ଏହି ନିୟମ ତୁରନ୍ତ କାର୍ଯ୍ୟକାରୀ ହେବା ସହିତ କାର୍ଯ୍ୟକାରୀ ହୋଇଛି।
ଆସାମ ସିଭିଲ ସର୍ଭିସେସ (ଆଚରଣ) ନିୟମ ଅନୁଯାୟୀ ଏହି ନିର୍ଦ୍ଦେଶାବଳୀ ଜାରି କରାଯାଇଛି ବୋଲି ବିଜ୍ଞପ୍ତିରେ କୁହାଯାଇଛି। ନିୟମ ଉଲ୍ଲଂଘନ ପାଇଁ ସରକାରୀ କର୍ମଚାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ହେବ। କାର୍ଯ୍ୟାନୁଷ୍ଠାନରେ ବଡ଼ ଜରିମାନା ଦେବା ସହିତ ବାଧ୍ୟତାମୂଳକ ଅବସରର ସମ୍ମୁଖୀନ ହେବାକୁ ପଡିପାରେ।
