ଗାଡି ହେଉ କି ଅନ୍ୟ କୌଣସି ଜିନିଷ, ନୂଆ ଜିନିଷ କିଣିବାରେ ସମସ୍ତଙ୍କର ଆଗ୍ରହ ଥାଏ। ପାଖରେ ଟଙ୍କା ଥିଲେ ଯେକୌଣସି ଜିନିଷ କିଣିବା ସହଜ ହୋଇଥାଏ, କିନ୍ତୁ ପାଖରେ ବଜେଟ୍ ନ ଥିଲେ ଆବଶ୍ୟକ ଜିନିଷ କିଣିବା ପାଇଁ ଅର୍ଥ ଏକଜୁଟ କରିବା ନିହାତି କାଠିକର ପାଠ ହୋଇଥାଏ। ନିକଟରେ ସେମିତି ଏକ ଘଟଣା ଘଟିଛି। ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଭିଡିଓରେ ଜଣେ ବ୍ୟକ୍ତି ସ୍କୁଟି କିଣିବା ପାଇଁ ଅଖା ଭିତରେ ଖୁଚୁରା ଟଙ୍କା ଭର୍ତ୍ତି କରି ଶୋ’ରୁମରେ ପହଞ୍ଚିଥିଲେ। ଏହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଗଲେ। ଏହି ଅଖା ଭିତରେ ଏକ, ଦୁଇ ଏବଂ ୧୦ ଟଙ୍କାର ମୁଦ୍ରା ଥିଲା। ମାସ ମାସ ଧରି, ଏହି ବ୍ୟକ୍ତି ସ୍କୁଟି କିଣିବା ପାଇଁ ସଞ୍ଚୟ କରୁଥିଲେ।
ସ୍କୁଟି କିଣିଥିବା ବ୍ୟକ୍ତି ବୃତ୍ତି ଅନୁଯାୟୀ ଜଣେ ଦୋକାନୀ ଅଟନ୍ତି। ସେ ଦୀର୍ଘ ସମୟ ଧରି ନିଜ କାମ ପାଇଁ ଏକ ସ୍କୁଟି କିଣିବାକୁ ଚାହୁଁଥିଲେ। ସେଥିପାଇଁ ସେ ମାସେ ମାସେ ପୂର୍ବରୁ ସଞ୍ଚୟ କରୁଥିଲେ। ନିକଟରେ ସେ ଶୋ’ରୁମରେ ପହଞ୍ଚି ସ୍କୁଟି କିଣିଥିଲେ। ଶୋ’ରୁମର ମ୍ୟାନେଜର ଏବଂ କର୍ମଚାରୀମାନେ ମଧ୍ୟ ସମ୍ପୃକ୍ତ ବ୍ୟକ୍ତିଙ୍କୁ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ।