ବିଧାନସଭା ନିର୍ବାଚନ ଫଳାଫଳ ୨୦୨୩: ତିନି ରାଜ୍ୟରେ ଭାଜପା ଅଗ୍ରଣୀ, ତେଲଙ୍ଗାନାରେ ବିଜୟ ମୁହାଁ କଂଗ୍ରେସ

ନୂଆଦିଲ୍ଲୀ,୨ା୧୨: ମତଦାନ ଗଣନାର ପ୍ରାରମ୍ଭିକ ପର୍ଯ୍ୟାୟ ଫଳାଫଳ ଅନୁଯାୟୀ ମଧ୍ୟପ୍ରଦେଶ ଏବଂ ରାଜସ୍ଥାନରେ ଭାଜପା ମ୍ୟାଜିକ ନମ୍ବର ଅତିକ୍ରମ କରି ଅନ୍ୟ ମାନଙ୍କ ଠାରୁ ଆଗରେ ରହିଛି। ସେହିପରି ଛତିଶଗଡରେ ମଧ୍ୟ ଶାସକ କଂଗ୍ରେସକୁ ମଧ୍ୟ ଅତିକ୍ରମ କରି ବିଜୟ ଆଡକୁ ଅଗ୍ରସର ହେଉଛି। ତେବେ ପ୍ରାରମ୍ଭିକ ଗଣନା ଅନୁଯାୟୀ ତେଲଙ୍ଗାନାରେ କଂଗ୍ରେସ ଦୃଢ଼ ସ୍ଥିତିରେ ରହିଛି।

ତେଲଙ୍ଗାନାର କାମାରେଡି ନିର୍ବାଚନମଣ୍ଡଳୀରେ ଭାରତ ରାଷ୍ଟ୍ର ସମିତି (ବିଆରଏସ) ମୁଖ୍ୟ ତଥା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ (କେସିଆର) ଙ୍କୁ କଡା ଟକ୍କର ଦେଇ ଅଗ୍ରଣୀ ହାସଲ କରିଛନ୍ତି କଂଗ୍ରେସ ମୁଖ୍ୟ ରେଭନ୍ତ ରେଡ୍ଡୀ। କୌତୁହଳର ବିଷୟ ହେଉଛି, ଗଜୱେଲରୁ ପ୍ରତିଦ୍ୱନ୍ଦ୍ୱିତା କରୁଥିବା ତେଲେଙ୍ଗାନା ମୁଖ୍ୟମନ୍ତ୍ରୀ କେ.ସି.ଆର., ବିଜେପି ନେତା ଏଟାଲା ରାଜେନ୍ଦ୍ରଙ୍କୁ ପଛରେ ପକାଇ ଅଗ୍ରଣୀ ହାସଲ କରିଛନ୍ତି।