ଆସିକା,୫ା୩(ଡି.ଏନ.ଏ.): ଗଞ୍ଜାମ ଜିଲା ଆସିକା ବିଦ୍ୟୁତ ବିଭାଗର ସହକାରୀ ନିର୍ବାହୀଯନ୍ତ୍ରୀ ଏନ.ଭି ରାମଦାସଙ୍କୁ ବିଭାଗୀୟ ଅର୍ଥ ଆତ୍ମସାତ ଅଭିଯୋଗରେ ପୋଲିସ ଶୁକ୍ରବାର ଗିରଫ କରିଛି। ଏ ନେଇ ଆସିକା ଥାନାରେ ନଂ.୧୧୬/୨୨ରେ ମାମଲା ରୁଜୁ ହୋଇଛି। ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ପ୍ରଶାନ୍ତ କୁମାର ସାହୁ ସୂଚନା ଦେଇଛନ୍ତି । ଜସହକାରୀ ନିର୍ବାହୀଯନ୍ତ୍ରୀ ରାମଦାସ ଅର୍ଥ ଆତ୍ମସାତ କରିଥିବା ନେଇ ବିଦ୍ୟୁତ ପରିଚାଳନା ଦାୟିତ୍ୱରେ ଥିବା ଟିପିଏସଓଡିଲର ବ୍ରହ୍ମପୁରସ୍ଥିତ ଏନଫୋର୍ସମେଣ୍ଟ ମୁଖ୍ୟ ସିଲେନ୍ଦ୍ର ସିଂ ଆସିକା ପୋଲିସରେ ଅଭିଯୋଗ କରିଥିଲେ । ଅଭିଯୁକ୍ତ ଯନ୍ତ୍ରୀ ୨୦୧୭ରୁ ୨୦୨୧ ମଧ୍ୟରେ ଆସିକା ବିଦ୍ୟୁତ ସର୍କଲର ଏନଫୋର୍ସମେଣ୍ଟ ଦାୟିତ୍ୱରେ ରହିଥିଲା ବେଳେ ଉପଭୋକ୍ତାଙ୍କ ଠାରୁ ଆଦାୟ କରାଯାଇଥିବା ୬,୩୦,୭୪୪ ଟଙ୍କାକୁ ବିଭାଗୀୟ ଜମା ଖାତାରେ ବାନ୍ଧି ନ ଥିଲେ। ଏପରିକି ନିଲମ୍ବିତ ହେଲା ପରେ ମଧ୍ୟ ଦାୟିତ୍ୱ ଗ୍ରହଣ କରିଥିବା ଅଧିକାରୀଙ୍କ ନିକଟରେ ଉକ୍ତ ଟଙ୍କା ଜମା କରି ନ ଥିବା ଅଭିଯୋଗରେ ଦର୍ଶାଯାଇଛି ।