ଅନୁଗୋଳ ଅଫିସ୍, ୧୦ା୪ – ଅନୁଗୋଳ ଅମଲପଡ଼ାସ୍ଥିତ ମା’ ବାସନ୍ତୀ ଦୁର୍ଗାଙ୍କ ଅଶୋକାଷ୍ଟମୀ ପୂଜା ଶନିବାର ଅନୁଷ୍ଠିତ ହୋଇଯାଇଛି। ଏହି ଉପଲକ୍ଷେ ଅପରାହ୍ନରେ ହୋମଯଜ୍ଞ ପରେ ସନ୍ଧ୍ୟାରେ ଆଳତି ହୋଇଥିଲା। ଶ୍ରଦ୍ଧାଳୁଙ୍କ ନିମନ୍ତେ ପ୍ରସାଦସେବନ ବ୍ୟବସ୍ଥା କରାଯାଇଥିଲା। ତାଳଚେର ବିଧାୟକ ବ୍ରଜକିଶୋର ପ୍ରଧାନ, ଆଠମଲ୍ଲିକ ବିଧାୟକ ରମେଶ ସାଏ, ନିଖିଳ ଉତ୍କଳ ଆଇନଜୀବୀ ସଂଘ ସଭାପତି ଜ୍ଞାନ ମହାନ୍ତି, ରାଜ୍ୟ ଆଇନଜୀବୀ ପରିଷଦର ପୂର୍ବତନ ସଦସ୍ୟ ସିତାଂଶୁ ମୋହନ ଦ୍ୱିବେଦୀ, ଭାଜପା ନେତା ପ୍ରତାପ ପ୍ରଧାନ ପ୍ରମୁଖ ଯୋଗଦେଇଥିଲେ। ରବିବାର ନବାକୁମାରୀ ପୂଜା ଉପଲକ୍ଷେ ସାରେ ଦାଣ୍ଡିଆ ନୃତ୍ୟ ପରିବେଷଣ ହେବ ବୋଲି କମିଟି ସଭାପତି ଶକ୍ତି ପ୍ରସାଦ ପଟ୍ଟନାୟକ, ଉପଦେଷ୍ଟା ପ୍ରଦୀପ ଦେବତା ସୂଚନା ଦେଇଛନ୍ତି।
