ଗନ୍ଧ କର୍ପୂର ଏକ ସୁଗନ୍ଧିତ କୀଟନାଶକ। ଏହା ଗନ୍ଧ ଦୂରକରିବା ପାଇଁ ବ୍ୟବହାର ହୋଇଥାଏ । ବଜାରରେ ମିଳୁଥିବା ଛୋଟ ଛୋଟ ବଲ୍ ଆକାରର ଗନ୍ଧ କର୍ପୂରର ଘରୋଇ ବ୍ୟବହାର ବିଷୟରେ ଜାଣନ୍ତୁ ନିମ୍ନରେ-
ପୋଷାକ ଗୁଡିକୁ ଶୀତଦିନ ପରେ ଗନ୍ଧ କର୍ପୂର ସହିତ ସଂରକ୍ଷିତ ରଖନ୍ତୁ । ଏହା ଦ୍ୱାରା ଦୀର୍ଘ ଦିନ ପର୍ଯ୍ୟନ୍ତ ଉଇ ଓ ଅନ୍ୟ କୀଟପତଙ୍ଗ ଦୂରେଇ ରହିଥାନ୍ତି। ଯଦ୍ଦ୍ବାରା କୀଟପତଙ୍ଗଙ୍କ ଦ୍ୱାରା ଶୀତ ପୋଷାକ ନଷ୍ଟ ହେବାର ଭୟ ନଥାଏ ।
ପାଖାପାଖି ବା ବଗିଚାରେ ବୁଲା ବିଲେଇ, କୁକୁର ଆସି ମଳମୂତ୍ର ତ୍ୟାଗ କରିଥାନ୍ତି। ସେଥିପାଇଁ ନିଜ ବଗିଚା ଚାରି ପାଖରେ ଗନ୍ଧ କର୍ପୂର ପକାଇ ଦିଅନ୍ତୁ । ଏହାର ଗନ୍ଧକୁ ବିଲେଇ, କୁକୁର ମାନେ ଘୃଣା କରନ୍ତି ଓ ଏହା ସେମାନଙ୍କୁ ଦୂରେଇ ରଖିବ ।
ଗଛ ରଖୁଥିବା ଛୋଟ ଛୋଟ କୁଣ୍ଡ ମାନଙ୍କରେ ପ୍ଲାଷ୍ଟିକ୍ ପାତ୍ରରେ କିଛି ଗନ୍ଧ କର୍ପୂର ରଖନ୍ତୁ ।
କାରଣ ଏହା ଆପଣଙ୍କ ଗଛକୁ ନଷ୍ଟ କରୁଥିବା ଛାରପୋକ ଓ ଅନ୍ୟାନ୍ୟ କୀଟ ପତଙ୍ଗ ଠାରୁ ଦୂରେଇ ରଖେ ।
ଧୂଆ ବେସିନ୍ , ଆଲମିରା, କାଗଜପତ୍ର ରଖୁଥିବା ବକ୍ସ ଆଦିରେ ଗନ୍ଧ କର୍ପୂର ରଖିପାରିବେ।
ଏହାର ଗନ୍ଧ ଅନ୍ୟ ଗନ୍ଧକୁ ଦୂର କରିଥାଏ ଓ କୀଟପତଙ୍ଗଙ୍କୁ ଦୂରେଇ ରଖେ ।
