![](https://www.dharitri.com/wp-content/uploads/2023/11/jk.png)
ନୂଆଦିଲ୍ଲୀ,୧୫।୧୧: ଜାମ୍ମୁ କଶ୍ମୀର ଅନ୍ତର୍ଗତ ଡୋଡାର ଆସାର ଅଞ୍ଚଳରେ ଏକ ବସ୍ ଦୁର୍ଘଟଣାରେ ଅତି କମରେ ୩୦ ଜଣଙ୍କର ମୃତ୍ୟୁ ଘଟିଥିବା କୁହାଯାଉଛି। ଆହତମାନଙ୍କୁ ଜିଲ୍ଲା ଡାକ୍ତରଖାନା କିଷ୍ଟୱର ଏବଂ ଜିଏମସି ଡୋଡାକୁ ସ୍ଥାନାନ୍ତର କରାଯାଇଛି। ଏହି ଦୁଃଖଦ ଘଟଣା ପରେ ପ୍ରଶାସନ ଦ୍ୱାରା ଲୋକଙ୍କୁ ଉଦ୍ଧାର କରିବା ପାଇଁ ଉଦ୍ଧାର କାର୍ଯ୍ୟ ଚାଲିଛି।
ସୂଚନାନୁସାରେ, କୁହାଯାଉଛି ଯେ ବସ୍ରେ ୫୫ ଜଣ ଯାତ୍ରୀ ଥିଲେ ଯେଉଁମାନେ ଦୁର୍ଘଟଣାର ସମ୍ମୁଖୀନ ହୋଇଥିଲେ ଏବଂ ଏହି ବସ୍ ଜାମ୍ମୁରୁ କିଷ୍ଟୱର ଅଭିମୁଖେ ଯାଉଥିଲା। ତେବେ ବସ୍ ରାସ୍ତାରେ ଏକ ଭୟଙ୍କର ଦୁର୍ଘଟଣାର ସମ୍ମୁଖୀନ ହୋଇଥିଲା। ଆହତ ଯାତ୍ରୀମାନଙ୍କୁ ପ୍ରଶାସନ ଦ୍ୱାରା ଦୋଡା ଜିଲ୍ଲାର ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଛି।
#WATCH | At least five people died in a bus accident in Assar region of Doda in J&K. Injured shifted to District Hospital Kishtwar and GMC Doda. Details awaited. pic.twitter.com/E3WWXyhv5f
— ANI (@ANI) November 15, 2023
ଏହି ବସ୍ ଦୁର୍ଘଟଣାରେ କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂ ଦୁଃଖ ପ୍ରକାଶ କରିଛନ୍ତି। ସେ ଟୁଇଟରରେ ଲେଖିଛନ୍ତି ଯେ ‘ଆସାର ଅଞ୍ଚଳରେ ବସ୍ ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ସେ ଡୋଡା ଡିସି ହରବିନ୍ଦର ସିଂଙ୍କ ସହ କଥା ହୋଇଥିଲେ। ଆବଶ୍ୟକତା ଅନୁଯାୟୀ ଆହତମାନଙ୍କୁ ଜିଲ୍ଲା ଡାକ୍ତରଖାନା କିଷ୍ଟୱର ଏବଂ ଜିଏମସି ଡୋଡାକୁ ସ୍ଥାନାନ୍ତର କରାଯାଇଛି। ଅଧିକ ଆହତଙ୍କୁ ସ୍ଥାନାନ୍ତର କରିବା ପାଇଁ ହେଲିକପ୍ଟର ସେବା ବ୍ୟବସ୍ଥା କରାଯିବ। ଆବଶ୍ୟକତା ଅନୁଯାୟୀ ସମସ୍ତ ସମ୍ଭାବ୍ୟ ସହାୟତା ପ୍ରଦାନ କରାଯାଉଛି। ମୁଁ ନିରନ୍ତର ଅଧିକାରୀଙ୍କ ସମ୍ପର୍କରେ ଅଛି।’