ଲିମା,୭।୨: ଦକ୍ଷିଣ ପେରୁର ଏକ ଭୂସ୍ଖଳନରେ ଅତି କମରେ ୩୬ ଜଣଙ୍କର ମୃତ୍ୟୁ ହୋଇଛି। ଏହି ଭୂସ୍ଖଳନ ଘଟଣାରେ ଅନେକ ଲୋକ ଆହତ ହୋଇଥିବା କୁହାଯାଉଛି। ପ୍ରବଳ ବର୍ଷା ପରେ ପେରୁରେ ଭୂସ୍ଖଳନ ଘଟିଛି। କାମାନା ପ୍ରଦେଶର ମାରିଆନୋ ନିକୋଲାସ ଭାଲକାରସେଲ ପୌରପାଳିକାର ପ୍ରତିରକ୍ଷା ଅଧିକାରୀ ୱିଲସନ ଗୁଟିରେଜ କହିଛନ୍ତି, ମିସ୍କି ନାମକ ଏକ ଦୁର୍ଗମ ଅଞ୍ଚଳରେ ୩୬ଟି ମୃତଦେହ ଉଦ୍ଧାର କରାଯାଇଛି।
ବର୍ତ୍ତମାନ ଡାକ୍ତରଖାନାରେ ଆହତଙ୍କ ଚିକିତ୍ସା ଚାଲିଛି। ଅନେକ ଲୋକଙ୍କୁ ଏକ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି। ନିଖୋଜ ଲୋକଙ୍କୁ ଖୋଜିବା ପାଇଁ ଦଳ କାର୍ଯ୍ୟ କରୁଛି।