ବାଗଦାଦ୍,୨୯।୮: ଇରାକର ଦକ୍ଷିଣ ସହର ନାସିରିଆରେ ଏକ ଟ୍ରକ ସହିତ ଏକ ବସ ଧକ୍କା ହେବା ଫଳରେ ୯ ଜଣ ଇରାନ ତୀର୍ଥଯାତ୍ରୀଙ୍କ ମୃତ୍ୟୁ ଘଟିଛି। ଏହି ଭୟଙ୍କର ଦୁର୍ଘଟଣାରେ ଅନେକ ଲୋକ ଆହତ ହୋଇଥିଲେ। ଇରାନରେ ରହୁଥିବା ଏହି ସମସ୍ତ ତୀର୍ଥଯାତ୍ରୀ ବସ ଯୋଗେ ଶିଆ ମୁସଲମାନଙ୍କ ପବିତ୍ର ସହର କରବାଲା ଯାଉଥିଲେ। ଏହି ସମୟରେ ଯାତ୍ରୀ ଭରା ଏକ ବସ ଟ୍ରକ ସହିତ ମୁହାଁମୁହିଁ ଧକ୍କା ହୋଇଥିଲା। ମହିଳା ଏବଂ ଶିଶୁଙ୍କ ସମେତ ୩୧ ଜଣ ଆହତ ହୋଇଥିଲେ। ଆହତଙ୍କ ମଧ୍ୟରୁ ୫ ଜଣଙ୍କ ଅବସ୍ଥା ଗୁରୁତର ରହିଛି।