ପଦ୍ମପୁର,୫।୭: ଛତିଶଗଡ଼ରୁ ବରଗଡ଼କୁ ଆସୁଥିବା ୪ଟି ଧାନ ବୋଝେଇ ଟ୍ରକ୍କୁ ପଦ୍ମପୁର ପୋଲିସ ସୋମବାର ରାତ୍ରିରେ ଜବତ କରିଛି। ସ୍ଥାନୀୟ ଯୋଗାଣ ନିରୀକ୍ଷକ ସୁନୀତା ନାହକଙ୍କ ଉପସ୍ଥିତିରେ ଟ୍ରକ୍ଗୁଡ଼ିକୁ ଏକ ରାଇସ୍ ମିଲରେ ଜିମା ଦିଆଯାଇଛି। ଛତିଶଗଡ଼ ପଟୁ ନଂ.ସିଜି୦୪ଜି ୫୯୦୩, ନଂ.ଓଆର୦୯ଏନ ୨୯୮୫, ନଂ.ଓଆର୧୭ସି ୭୯୬୫ ଏବଂ ନଂ.ଓଆର୦୯ଏନ୨୯୦୫ ନମ୍ବର ବିଶିଷ୍ଟ ଟ୍ରକ୍ରେ ବହୁ ପରିମାଣର ଧାନ ବୋଝେଇ ହୋଇ ବରଗଡ଼ ଆସୁଥିବା ନେଇ ପଦ୍ମପୁର ପୋଲିସକୁ ସୂଚନା ମିଳିଥିଲା। ଏନେଇ ପଦ୍ମପୁର ଥାନା ଅଧିକାରୀ ରାଜେନ୍ଦ୍ର କୁମାର ସିଆଳ ଏବଂ ଅନ୍ୟ ପୋଲିସ କର୍ମଚାରୀ ଚଢାଉ କରି ଉକ୍ତ ଧାନ ବୋଝେଇ ଟ୍ରକ୍ ଗୁଡ଼ିକୁ ଧରିଥିଲେ।