ଆମେରିକାର ଆଇଡାହୋ ରାଜ୍ୟର ଜଣେ ୮ ବର୍ଷର ବାଳକ ପୁସ୍ତକ ଲେଖି ଏହାକୁ ବିନା ଅନୁମତିରେ ସ୍ଥାନୀୟ ଲାଇବ୍ରେରୀ ସେଲ୍ଫରେ ଲୁଚାଇ ରଖିଥିଲେ। ଖୁବଶୀଘ୍ର ଏହି ପୁସ୍ତକଟି ପାଠକମାନଙ୍କଠାରେ ଆଦୃତ ହୋଇଗଲା। ବର୍ତ୍ତମାନ ପୁସ୍ତକଟି ଦୀର୍ଘ ତାଲିକା ଅପେକ୍ଷାରେ ରହିଛି। ଆଇଡାହୋରେ ରହୁଥିବା ଦ୍ୱିତୀୟ ଶ୍ରେଣୀ ଛାତ୍ର ଡିଲିୟନ ହେଲବିଗ୍ ଡିସେମ୍ବର ମଧ୍ୟଭାଗରେ ନିଜ ନୋଟ୍ବୁକରେ ଖ୍ରୀଷ୍ଟମାସ ଦୁଃସାହସିକ କାହାଣୀ ଲେଖିଥିଲେ। ସେ ଚାହୁଁଥିଲେ, ଲୋକମାନେ ଏହାକୁ ପଢ଼ନ୍ତୁ। ତେଣୁ ସେ ଏକ ଯୋଜନା ପ୍ରସ୍ତୁତ କଲେ। ତାଙ୍କ ଜେଜେମା’ଙ୍କ ସହ ତାଙ୍କ ସହର ବୋଇସ ଲାଇବ୍ରେରୀ ପରିଦର୍ଶନ କରିବା ସମୟରେ ସେ ଚୁପ୍ଚାପ୍ ୮୮ ପୃଷ୍ଠାର ପୁସ୍ତକକୁ ପିଲାମାନଙ୍କ ଫଟୋ-ବୁକ୍ ସେଲରେ ପକାଇ ଦେଇଥିଲେ। ତାଙ୍କୁ ଏପରି କରିବା କେହି ଦେଖି ନ ଥିଲେ। ଏପରିକି ତାଙ୍କ ସହ ଯାଇଥିବା ଜେଜେମା ମଧ୍ୟ ନୁହନ୍ତି। ପରେ କିନ୍ତୁ ଡିଲିୟନ ତାଙ୍କ ମାତା ସୁଜାନ ହେଲବିଗ୍ଙ୍କୁ ଏ ବିଷୟରେ କହିଥିଲେ। ଦୁଇଦିନ ପରେ ସେମାନେ ଲାଇବ୍ରେରୀକୁ ଗଲେ କିନ୍ତୁ ପୁସ୍ତକଟି ନିଖୋଜ ଥିଲା। ସେମାନେ ଏହାକୁ ଫିଙ୍ଗି ନ ଦେବାକୁ ଅନୁରୋଧ କଲେ। ଆଶ୍ଚର୍ଯ୍ୟର କଥା, ପୁସ୍ତକ ପାଠକମାନଙ୍କ ମଧ୍ୟରେ ବେଶ୍ ଆଦୃତ ହୋଇସାରିଥିଲା। ଅଦା କମ୍ୟୁନିଟି ଲାଇବ୍ରେରୀର ଲେକ୍ ହାଜେଲ ଶାଖା ଏହି ଘଟଣାକୁ ନିଜ୍ ଫେସ୍ବୁକ୍ ପେଜରେ ଶେୟାର କରିଛି। ଲାଇବ୍ରେରୀ କହିଛି, ଦିଲିୟନଙ୍କ କ୍ରିସମିସ୍ ଆଡ୍ଭେଞ୍ଚର୍ସ’ ଶୀର୍ଷକ ଏହି ପୁସ୍ତକ ଶ୍ରେଷ୍ଠ ୟଙ୍ଗ ନୋଭେଲିଷ୍ଟ ପାଇଁ ୨୦୨୧ ହୁଡିନି ପୁରସ୍କାର ଜିତିଛି, ଯାହା ତାଙ୍କ ପାଇଁ ଲାଇବ୍ରେରୀ ସୃଷ୍ଟି କରିଛି।
ଲାଇବ୍ରେରୀ ଶାଖା ପରିଚାଳକ ଆଲେକ୍ସ ହାର୍ଟମ୍ୟାନ ଓ୍ବାଶିଂଟନ ପୋଷ୍ଟରେ କହିଛନ୍ତି, ଏହା ଏକ ଚତୁର କାର୍ଯ୍ୟ ଥିଲା। କିନ୍ତୁ ଏଥିରୁ ମୁକ୍ତି ପାଇବାକୁ ବିଚାର କରିବା ପାଇଁ ପୁସ୍ତକ ଅତ୍ୟନ୍ତ ସ୍ପଷ୍ଟ ଭାବରେ ଏକ ଆଇଟମ ଥିଲା। ଲାଇବ୍ରେରୀରେ ୫୫ ଜଣ ବ୍ୟକ୍ତିଙ୍କ ଓ୍ବେଟ୍ ଲିଷ୍ଟ ଅଛି। ଯାହା ପୃଷ୍ଠପୋଷକମାନଙ୍କୁ ଚାରି ସପ୍ତାହ ପର୍ଯ୍ୟନ୍ତ ପୁସ୍ତକ ରଖିବାକୁ ଅନୁମତି ଦେଇଥାଏ।
ଡିଲିୟନଙ୍କ ଚତୁର କାର୍ଯ୍ୟକୁ ଖ୍ରୀଷ୍ଟୋଫର୍ ବର୍ଗେସ ବି ପ୍ରଶଂସା କରିଛନ୍ତି। ଯିଏ ବର୍ତ୍ତମାନ କେନ୍ଦ୍ରୀୟ ଇଣ୍ଟେଲିଜେନ୍ସ ଏଜେନ୍ସି ସହିତ ୩୦ ବର୍ଷରୁ ଅଧିକ ସମୟ କାମ କରିଛନ୍ତି। ସେ କହିଛନ୍ତି, ମୁଁ ଏକ ନିର୍ଦ୍ଦିଷ୍ଟ ତିନି ଅକ୍ଷର ବିଶିଷ୍ଟ ଏଜେନ୍ସି ଜାଣେ ଯାହା ସର୍ବଦା ଡିଲିୟନଙ୍କ ଭଳି ଦକ୍ଷତା ଥିବା ଲୋକଙ୍କୁ ଖୋଜେ।