ନୂଆଦିଲ୍ଲୀ,୨୨।୧୨: ଦେଶର ପ୍ରମୁଖ ତଥା ପ୍ରଥମ ଇଣ୍ଟେଲିଜେଣ୍ଟ ଇଲେକ୍ଟ୍ରିକ୍ ସ୍କୁଟର ମାନୁଫ୍ୟାକ୍ଚରର ଆଥର୍ ଏନର୍ଜି ପକ୍ଷରୁ ୨ନୂଆ ରିଟେଲ ଆଉଟ୍ଲେଟ୍ର ଶୁଭାରମ୍ଭ କରାଯାଇଛି। ଏପରିକି ବୁଧବାର ଭୁବନେଶ୍ୱରର ପଟିଆସ୍ଥିତ ମାଗ୍ନେଟିକ୍ ସ୍କୋୟାର୍ ଏବଂ କଟକରେ ଏହାର ପ୍ରଥମ ଏକ୍ସପେରିଏନ୍ସ ସେଣ୍ଟରର ଉଦ୍ଘାଟନ କରାଯାଇଛି। ବିଶେଷ କରି ଉକ୍ତ ୨ ଆଉଟ୍ଲେଟ୍ ଜ୍ୟୋତି ମୋଟର୍ସ ଆନୁକୂଲ୍ୟରେ ଖୋଲାଯାଇଛି ,ଯାହା ନୂଆ ଓ ଉନ୍ନତ ଜେନ୍-୩ ପାଇଁ ବଢୁଥିବା ଚାହିଦାକୁ ପୂରଣ କରିବା ଓ ଇଭି ଗ୍ରହଣୀୟତାକୁ ତ୍ୱରାନ୍ବିତ କରିବା ଉପରେ ଗୁରୁତ୍ୱ ଦେବ। ନୂଆକରି ଉନ୍ମୋଚିତ ହୋଇଥିବା ଜେନ୍ ୩ର ଫ୍ଲାଗ୍ଶିପ୍ ଆଥର୍ ୪୫୦ଏକ୍ସ ଓ ୪୫୦ ପ୍ଳସ୍କୁ ଟେଷ୍ଟ ରାଇଡ୍ ଓ କ୍ରୟ ପାଇଁ ଆଥର୍ ସ୍ପେଶ୍ରେ ଉପଲବ୍ଧ କରାଯିବ।
ଏ ସମ୍ପର୍କରେ ସ୍କୁଟର ବିଜ୍ନେସ ଆଥର ଏନର୍ଜିର ଉପାଧ୍ୟକ୍ଷ ଶ୍ରୀନିଳୟ ଚନ୍ଦ୍ରା କହିଛନ୍ତି, ‘ଗତ କିଛି ମାସ ହେବ ଆମେ ଦ୍ରୁତବେଗରେ ବିସ୍ତାର କରୁଛୁ। ପ୍ରାୟ ପ୍ରତି ମାସରେ ଆମେ ୮ରୁ ୧୦ଟି ନୂଆ ଏକ୍ସପେରିଏନ୍ସ ସେଣ୍ଟରର ଶୁଭାରମ୍ଭ କରୁଛି। ଆଥର୍ ପାଇଁ ଓଡ଼ିଶା ଭଳି ଏକ ରାଜ୍ୟ ଖୁବ୍ ଆଶାବାଦୀ ଦେଖାଯାଉଛି, ଯେଉଁଠାରେ ୮୦% ଯାନ ଦୁଇଚକିଆ। ଆଥର୍ ୪୫୦ଏକ୍ସ ଜେନ୍ ୩ର ଶୁଭାରମ୍ଭ ସହ ଆମେ ଏକାଧିକ ପ୍ରି-ଅର୍ଡର୍ ଓ ଟେଷ୍ଟ ରାଇଡ୍ ଅନୁରୋଧ ସହିତ ଆମର ସ୍କୁଟର ପାଇଁ ଉପଭୋକ୍ତା ଚାହିଦାରେ ଏକ ବୃଦ୍ଧି ଦେଖିବାକୁ ପାଉଛୁ। ଆମେ ଓଡ଼ିଶାରେ ନୂଆ ଏକ୍ସପେରିଏନ୍ସ ସେଣ୍ଟରଗୁଡିକ ସହିତ ଆମର ସମ୍ପ୍ରସାରଣ ଯୋଜନାକୁ ସମର୍ଥନ କରିବା ପାଇଁ ଜ୍ୟୋତି ମୋଟର୍ସ ସହ ସହଭାଗିତା କରି ଆନନ୍ଦିତ। ସେହିଭଳି ଜ୍ୟୋତି ମୋଟର୍ସ(ଏନର୍ଜି) ପ୍ରାଇଭେଟ ଲିମିଟେଡ୍ର ନିର୍ଦ୍ଦେଶକ ଦିବ୍ୟଜ୍ୟୋତି ପଟ୍ଟନାୟକ କହିଛନ୍ତି, ଆମେ ଓଡ଼ିଶାକୁ ହୁଇଲରେ ରଖିବାକୁ ପ୍ରୟାସ କରୁଥିବାରୁ ଆମେ ଗର୍ବର ସହିତ ଆମ ଡେଣା ବିସ୍ତାର କରି ଆଥର ଏନର୍ଜି ସହିତ ଯୋଡ଼ି ହୋଇଛୁ।