ପ୍ରୟାଗରାଜ,୧୮।୪: ପ୍ରୟାଗରାଜରେ ଅତିକ ଅହମଦ ଓ ତାଙ୍କ ଭାଇ ଅଶରଫଙ୍କୁ ଗୁଳି କରି ହତ୍ୟା କରାଯାଇଛି। ଆକ୍ରମଣକାରୀ ପୋଲିସ ଓ ମିଡିଆ ସାମ୍ନାରେ ଏଭଳି କାଣ୍ଡ ଘଟାଇଛନ୍ତି। ଏହି ହତ୍ୟାକାଣ୍ଡ ପରେ ସମଗ୍ର ଉତ୍ତର ପ୍ରଦେଶ ଦୋହଲି ଯାଇଛି। ଇତିମଧ୍ୟରେ ଖବର ଆସୁଛି କି ଅତିକ ଅହମଦଙ୍କ ଓକିଲ ବିଜୟ ମିଶ୍ରାଙ୍କ ଘର ନିକଟରେ ମଙ୍ଗଳବାର ବୋମା ପକାଯାଇଛି। ବୋମା ପକାଇବାର ଦୃଶ୍ୟ ସିସିଟିଭିରେ ରେକର୍ଡ ହୋଇଯାଇଛି। ଏବେ ପୋଲିସ ଏହି ସିସିଟିଭି ଆଧାରରେ ମାମଲାର ଯାଞ୍ଚ ଆରମ୍ଭ କରି ଦେଇଛି।
ପ୍ରୟାଗରାଜର କର୍ନଲରାଜ ଅଞ୍ଚଳରେ ଅତିକ ଅହମଦଙ୍କ ଓକିଲ ବିଜୟ ମିଶ୍ରା ରୁହନ୍ତି। ସ୍ଥାନୀୟ ଲୋକେ କହିଛନ୍ତି, ମଙ୍ଗଳବାର ଦିଦ ଦ୍ୱିପ୍ରହରରେ ଆକ୍ରମଣକାରୀ ଓକିଲ ବିଜୟ ମିଶ୍ରାଙ୍କ ଘର ସାମ୍ନାରେ ବୋମା ପକାଇଛନ୍ତି। ଏହି ସମୟର ଭିଡିଓ କେହି ପ୍ରସ୍ତୁତ କରି ଦେଇଛନ୍ତି। କୁହାଯାଉଛି କି ଆକ୍ରମଣକାରୀ ବ୍ୟାଗରେ ବୋମା ଭର୍ତ୍ତି କରି ଆଣିଥିଲେ ଏହାକୁ ପକାଇବା ପରେ ସେ ସେଠାରୁ ଦୌଡି ଚାଲିଯାଇଥିଲେ। ତେବେ ତାଙ୍କର ବୟସ ୩୦-୩୨ ବର୍ଷ ଭିତରେ ହେବ ବୋଲି କୁହାଯାଉଛି। ଭିଡିଓକୁ ଆଧାର କରି ପୋଲିସ ଘଟଣାର ଯାଞ୍ଚ ଆରମ୍ଭ କରିଛି।
