ଲକ୍ଷ୍ନୌ,୧୩।୪: ଉତ୍ତରପ୍ରଦେଶର ମାଫିଆ ଏବଂ ପୂର୍ବତନ ଏମ୍ପି ଅତିକ ଅହମଦ ଏବଂ ତାଙ୍କ ଭାଇ ଅଶରଫଙ୍କୁ ପ୍ରୟାଗରାଜରେ ଉମେଶ ପାଲ ହତ୍ୟା ମାମଲାରେ ମୁଖ୍ୟ ବିଚାର ବିଭାଗୀୟ ମାଜିଷ୍ଟ୍ରେଟଙ୍କ କୋର୍ଟରେ ହାଜର କରାଯାଇଛି। ପଚରାଉଚରା ପାଇଁ ଅତିକଙ୍କୁ ହେପାଜତରେ ନେବାକୁ ପୋଲିସ କୋର୍ଟକୁ ଅନୁରୋଧ କରିଛି।
ଅତିକ ଅହମଦଙ୍କୁ ଦ୍ୱିତୀୟ ଥର ପାଇଁ ଗୁଜୁରାଟର ସାବରମତି ଜେଲରୁ ବୁଧବାର ଉତ୍ତରପ୍ରଦେଶର ନୌନୀ କେନ୍ଦ୍ରୀୟ ଜେଲକୁ ଅଣାଯାଇଥିଲା। ସନ୍ଧ୍ୟା ପ୍ରାୟ ୬ ଟାରେ ନୌନୀ ଜେଲରେ ଅତିକ ପହଞ୍ଚିଥିଲେ। ତେବେ ବିଳମ୍ବ ହେତୁ ତାଙ୍କୁ ବୁଧବାର କୋର୍ଟରେ ହାଜର କରାଯାଇ ନ ଥିଲା।