ଢେଙ୍କାନାଳ ଅଫିସ, ୧୬ା୧୨: ଢେଙ୍କାନାଳ ଜିଲା ମୋଟଙ୍ଗା ଥାନା ଅଧୀନ ୫୫ନଂ. ଜାତୀୟ ରାଜପଥ ପାର୍ଶ୍ୱରେ ଥିବା ନିମବାହାଳି ଭାରତୀୟ ଷ୍ଟେଟ୍ ବ୍ୟାଙ୍କ (ଏସ୍ବିଆଇ)ର ଏକ ଏଟିଏମ୍ରୁ ବଡ଼ ଧରଣର ଲୁଟ୍ ହୋଇଛି। ଦୁର୍ବୃତ୍ତମାନେ ଗ୍ୟାସ୍ କଟର ସହାୟତାରେ ଏଟିଏମ୍ କ୍ୟାଶ ଚ୍ୟାମ୍ପର କାଟି ୨୬ ଲକ୍ଷ ୫୬ ହଜାର ଟଙ୍କା ନେଇଯାଇଛନ୍ତି। ସୋମବାର ବିଳମ୍ବିତ ରାତିରେ ଘଟିଥିବା ଏହି ଘଟଣା ରାଜ୍ୟରେ ଚର୍ଚ୍ଚାର ବିଷୟ ପାଲଟିଛି।
ନିମବାହାଳି ବ୍ୟାଙ୍କ ଶାଖା ପରିଚାଳକ ଅମିତୋଷ ମହାନ୍ତି କହିଛନ୍ତି, ସୋମବାର ଏଟିଏମ୍ରେ ଟଙ୍କା ଭର୍ତ୍ତି କରାଯାଇଥିଲା। ମଙ୍ଗଳବାର ଲୁଟ୍ ସମ୍ପର୍କରେ ଜଣାପଡ଼ିବା ପରେ ପୋଲିସକୁ ସୂଚନା ଦିଆଯାଇଥିଲା। ଉତ୍ତର କେନ୍ଦ୍ରାଞ୍ଚଳ ଆଇଜି ନରସିଂହ ଭୋଳ, ଏସ୍ପି ଜଗମୋହନ ମୀନା ପ୍ରମୁଖ ଘଟଣାସ୍ଥଳରେ ପହଞ୍ଚତ୍ ଛାନ୍ଭିନ୍ କରିଛନ୍ତି। ସନ୍ଧାନୀ କୁକୁର, ସାଇଣ୍ଟିଫିକ୍ ଟିମ୍ ସହାୟତାରେ ତଦନ୍ତ କରାଯାଇଛି। ସିସିଟିଭି ଫୁଟେଜ ଆଧାରରେ ପୋଲିସ ଅଭିଯୁକ୍ତଙ୍କ ପାଖରେ ପହଞ୍ଚତ୍ବାକୁ ଉଦ୍ୟମ କରୁଛି।
ଏ ସଂକ୍ରାନ୍ତରେ ଅନୁଗୋଳସ୍ଥିତ ଏଟିଏମ୍ ଚ୍ୟାନେଲ ୍ଯଯାନେଜର ଫୁଲଗୁନୀ ପଟ୍ଟନାୟକ କୁହନ୍ତି, ଏଟିଏମ୍ରୁ ୨୬ଲକ୍ଷ ୫୬ହଜାର ଟଙ୍କା ଲୁଟ୍ ହୋଇଥିବା ଜଣାପଡ଼ିଛି। ପୋଲିସକୁ ସିସିଟିଭି ଫୁଟେଜ୍ ଦିଆଯାଇଛି। ତଦନ୍ତରେ ସମସ୍ତ ସହଯୋଗ କରାଯାଉଛି। ଏସ୍ପି ମୀନା କୁହନ୍ତି, ସିସିଟିଭି କ୍ୟାମେରା ଯାଞ୍ଚ କରାଯାଉଛି। ସଦର ଏସ୍ଡିପିଓଙ୍କ ନେତୃତ୍ୱରେ ବିଭିନ୍ନ ସ୍ଥାନରେ ଚଢାଉ ପାଇଁ ୩ ଟିମ୍ କରାଯାଇଛି। ଏ ସଂକ୍ରାନ୍ତରେ ମୋଟଙ୍ଗା ଥାନାରେ ନଂ. ୨୫୬/୨୦ରେ ଏକ ମାମଲା ରୁଜୁ କରାଯାଇଛି।
ଢେଙ୍କାନାଳ ଜିଲାର ବିଭିନ୍ନ ମଠମନ୍ଦିରରେ ଥିବା ହୁଣ୍ଡିଗୁଡ଼ିକୁ ଦୁର୍ବୃତ୍ତମାନେ ଟର୍ଗେଟ କରୁଥିଲେ। ଏବେ ସେମାନଙ୍କ ନଜର ଏଟିଏମ୍ ଉପରେ ପଡ଼ିଛି। ଗ୍ୟାସ୍ କଟରରେ ଏଟିଏମ୍ କାଟିବା ଏବଂ ଏଥିରୁ କୌଶଳକ୍ରମେ ଟଙ୍କା ବାହାର କରାଯାଇଛି। ଏଥିରେ ପେସାଦାର ଅପରାଧିଙ୍କ ହାତ ଥିବା ଅନୁମାନ କରାଯାଉଛି। ବ୍ୟସ୍ତବହୁଳ ୫୫ନଂ. ଜାତୀୟ ରାଜପଥ ପାର୍ଶ୍ୱରେ ଥିବା ଉକ୍ତ ଏଟିଏମ୍ରୁ ଏଭଳି ଲୁଟ୍ ପୋଲିସକୁ ଖୋଲା ଚ୍ୟାଲେଞ୍ଜ ବୋଲି ଆଲୋଚନା ହେଉଛି।