ଜୁନାଗଡ଼,୧୫ା୧୧(ଡି.ଏନ୍.ଏ): କଳାହାଣ୍ଡି ଜିଲା ଜୁନାଗଡ଼ ସହରସ୍ଥିତ ଏଟିଏମ୍ରୁ ଟଙ୍କା ଲୁଟ୍ ବେଳେ ସ୍ଥାନୀୟ ପୋଲିସ ହାତରେ ଧରାପଡ଼ଛନ୍ତି ଲୁଟେରା। ଗିରଫ ଲୁଟେରାଙ୍କ ନିକଟରୁ ଏକ ପଲସର ବାଇକ, ନଗଦ ୬୭ ହଜାର ୨ ଶହ ଟଙ୍କା, ୭ଟି ବିଭିନ୍ନ ବ୍ୟାଙ୍କର ଏଟିଏମ କାର୍ଡ, ୩ଟି ଏଟିଏମ୍ ଟଙ୍କା ଉଠାଣ ସ୍ଲିପ ଓ ୨ଟି ମୋବାଇଲ ଜବତ କରାଯାଇଛି।
ପୋଲିସ ସୂତ୍ରରୁ ପ୍ରକାଶ ଯେ, ଲୁଟେରା ଜଣକ ଅନେକ ସମୟରେ ଗରିବ ଓ ନିରୀହ ଲୋକଙ୍କ ଏଟି୍ଏମ କାର୍ଡ ଓ ପିନ୍ ନମ୍ବର କୌଶଳ କ୍ରମେ ହାତେଇ ନେଉଥିଲେ। ପରବର୍ତ୍ତୀ ସମୟରେ ଅନ୍ୟ ଏକ ଏଟିଏମ୍କୁ ଯାଇ ଟଙ୍କା ଉଠାଣ କରୁଥିଲେ। ଏ ନେଇ ଜୁନାଗଡ଼ ଥାନାରେ କେସ୍ ନଂ ୩୦୭/୨୦ରେ ଏକ ମାମଲା ରୁଜୁ କରି ପୋଲିସ ଲୁଟେରାଙ୍କୁ ଶନିବାର କୋର୍ଟ ଚାଲାଣ କରିଛି। ଅଧିକ ତଦନ୍ତ ଚାଲିଥିବାରୁ ଲୁଟେରାଙ୍କ ନାମ ପ୍ରକାଶ କରିନାହିଁ ପୋଲିସ।