ମୁମ୍ବାଇ,୨୪।୧୨: ଡିଜିଟାଲ ପ୍ଲାଟଫର୍ମ ଡିଜନୀ+ହଟଷ୍ଟାରରେ ଶୁକ୍ରବାର ରିଲିଜ ହୋଇଛି ଅକ୍ଷୟ କୁମାର, ସାରା ଅଲି ଖାନ ଓ ଧନୁଶଙ୍କ ଅଭିନୀତ ଫିଲ୍ମ ‘ଅତରଙ୍ଗି ରେ’। ଭିନ୍ନ ପ୍ରେମ କାହାଣୀ ଉପରେ ଆଧାରିତ ଫିଲ୍ମ ରିଲିଜ ହେଉ ହେଉ ଲିକ୍ ହୋଇଯାଇଛି। ତାମିଲରକର୍ସ, ଟେଲିଗ୍ରାମ, ମୁଭିରୁଲଜ ଓ ଅନ୍ୟ ପାଇରେସି ସାଇଟ୍ରେ ଲିକ୍ ହୋଇଯାଇଛି ସମ୍ପୂର୍ଣ୍ଣ ଫିଲ୍ମ। ଆନନ୍ଦ ଏଲ ରାଇଙ୍କ ନିର୍ଦ୍ଦେଶନାରେ ପ୍ରସ୍ତୁତ ଫିଲ୍ମକୁ କ୍ରିଟିକ୍ ଓ ଫ୍ୟାନ୍ସଙ୍କ ଠାରୁ ଭଲ ରିଭ୍ୟୁ ମିଳିଛି।
ପାଇରେସି ସାଇଟ୍ରେ ଫିଲ୍ମର ଫୁଲ ଏଚ୍ଡି ଭର୍ସନ ଉପଲବ୍ଧ ଥିବାରୁ ଆଶା ଅନୁଯାୟୀ ଡିଜନୀ+ ହଟଷ୍ଟାରର ସବ୍ସ୍କ୍ରିପଶନରେ ବୃଦ୍ଧି ହେବ ନାହଁ। ତେବେ ରିଲିଜ ଦିନ ଫିଲ୍ମ ଲିକ୍ ହେବା କିଛି ନୂଆ ଘଟଣା ନୁହେଁ। ଏଥିପୂର୍ବରୁ ଅକ୍ଷୟ କୁମାରଙ୍କ ପୋଲିସ ଡ୍ରାମା ଫିଲ୍ମ ସୂର୍ଯ୍ୟବଂଶୀ, ରଜନୀକାନ୍ତଙ୍କ ଆନ୍ନାଥେ, ସୁରିୟାଙ୍କ ଜୟ ଭିମ ଭଳି ଫିଲ୍ମକୁ ରିଲିଜ ଦିନ ସମାନ ଦଶା ଭୋଗିବାକୁ ପଡ଼ିଥିଲା।