ଲକ୍ଷ୍ନୌ,୨୫।୭: ଉତ୍ତରପ୍ରଦେଶର ଆତଙ୍କବାଦ ବିରୋଧୀ ସ୍ବାଡ (ଏଟିଏସ) ସୋମବାର ରାଜ୍ୟବ୍ୟାପୀ ଅପରେସନ କରି ବେଆଇନ ଭାବେ ରହୁଥିବା ୭୪ ରୋହିଙ୍ଗ୍ୟାଙ୍କୁ ଗିରଫ କରିଛି। ରାଜ୍ୟର ସ୍ବତନ୍ତ୍ର ମହାନିର୍ଦ୍ଦେଶକ ପୋଲିସ (ଆଇନ ଏବଂ ଆଦେଶ) ପ୍ରଶାନ୍ତ କୁମାର ଏଠାରେ ଏକ ବୟାନରେ କହିଛନ୍ତି ଯେ ଉତ୍ତରପ୍ରଦେଶର ବିଭିନ୍ନ ଜିଲ୍ଲାରେ କିଛି ରୋହିଙ୍ଗ୍ୟା ବେଆଇନ ଭାବେ ରହୁଥିବା ଏଟିଏସ ସୂଚନା ପାଇଛି। ଏହା ଉପରେ ଏଟିଏସ ସ୍ଥାନୀୟ ପୋଲିସ ୟୁନିଟ ସହାୟତାରେ ଏକ ଅପରେସନ ଆରମ୍ଭ କରି ମୋଟ ୭୪ ରୋହିଙ୍ଗ୍ୟାଙ୍କୁ ଗିରଫ କରିଥିଲା। ଗିରଫ ହୋଇଥିବା ରୋହିଙ୍ଗ୍ୟାଙ୍କ ମଧ୍ୟରେ ୧୬ ମହିଳା ଓ ଯୁବତୀ ଥିବା ବେଳେ ୫୮ ପୁରୁଷ ରହିଛନ୍ତି। ଏମାନେ ସମସ୍ତଙ୍କ ବିରୋଧରେ ମାମଲା ଦାୟର କରାଯାଇ ଯାଞ୍ଚ ଆରମ୍ଭ କରାଯାଇଛି।