ସୋସିଆଲ ମିଡିଆରେ ଏବେ ଏମିତି ଏକ ଭିଡିଓ ଭାଇରାଲ ହୋଇଛି, ଯାହାକୁ ଦେଖିଲେ ହସିହସି ଗଡ଼ିଯିବେ। ଏହି ଭିଡିଓରେ ଏକ ତେଜରାତି ଦୋକାନରେ ଦୁଇଟି ମୂଷା ପରସ୍ପର ମଧ୍ୟରେ ଜୋର୍ଦାର ଲଢ଼େଇ ହେଉଥିବା ଦେଖିବାକୁ ମିଳିଛି। ଗୋଟିଏ ମୂଷା ଆଉ ଗୋଟିଏ ମୂଷାକୁ ଲାତ ପରେ ଲାତ ମାରି ଚାଲିଛି।
‘नेक टू नेक’ चल रहा.😂 pic.twitter.com/2DI9XmT16a
— Awanish Sharan (@AwanishSharan) November 6, 2020
ଭିଡିଓଟିକୁ ଭାରତରେ ଖୁବ୍ ପସନ୍ଦ କରାଯାଇଛି। ଏହାକୁ ଦେଖି ଭାରତୀୟ ପ୍ରଶଂସକମାନେ ପିଲାଦିନର ଦୁଇଭାଇ ଏବଂ ଦୁଇ ବନ୍ଧୁଙ୍କ ମଧ୍ୟରେ ଲଢ଼େଇ ହେବା ସହ ତୁଳନା କରିଛନ୍ତି। ଦୋକାନର ଏକ ଉପର ଥାକରେ ଦୁଇ ମୂଷାଙ୍କ ମଧ୍ୟରେ ଏହି ଲଢ଼େଇ ହେଉଛି। ତାଙ୍କ ଆଖପାଖରେ ଦୋକାନ ସାମଗ୍ରୀ ମଧ୍ୟ ରଖାଯାଇଛି। ଖାଲିଥିବା ସ୍ଥାନରେ ଦୁହେଁ ଖୁବ୍ ଜୋର୍ରେ ଲଢୁଛନ୍ତି। ପଛରେ ଡବ୍ଲ୍ୟୁଡବ୍ଲ୍ୟୁଇର କମେଣ୍ଟ୍ରି ମଧ୍ୟ ଶୁଣାଯାଉଛି।
ଭିଡିଓଟିକୁ ଆଇଏଏସ୍ ଅଫିସର ଅବନୀଶ ଶରଣ ଟୁଇଟର ଆକାଉଣ୍ଟରେ ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ‘ବେକ ଧରା ଧରି ଲଢ଼େଇ ଚାଲିଛି’।
୬ ନଭେମ୍ବର ସକାଳେ ଅର୍ଥାତ୍ ଆଜି ଏହି ଭିଡିଓଟି ଶେୟାର କରାଯାଇଛି। ବର୍ତ୍ତମାନ ସୁଦ୍ଧା ଏହାକୁ ୨୫ ହଜାରରୁ ଅଧିକ ଲୋକ ଦେଖିସାରିଲେଣି। ଏଥିସହିତ ୨ ହଜାରରୁ ଅଧିକ ଲୋକ ଲାଇକ୍ ମଧ୍ୟ କରିଛନ୍ତି। ୨୫୦ରୁ ଅଧିକ ରିଟୁଇଟ୍ କରାଯାଇଛି। ମୂଷା ଦୁହିଁଙ୍କର ଏହି ଲଢ଼େଇକୁ ଅନେକ ଲୋକ ଶେୟାର କରିଛନ୍ତି। ୟୁଜରମାନେ ଏଥିରେ ଭିନ୍ନ ଭିନ୍ନ ପ୍ରତିକ୍ରିୟା ମଧ୍ୟ ଦେଉଛନ୍ତି।
