ବିଞ୍ଝାରପୁର,୨୦ା୨(ଡି.ଏନ୍.ଏ.): ଯାଜପୁର ଜିଲା ବିଞ୍ଝାରପୁର ବ୍ଲକ ଅନ୍ତର୍ଗତ ବାଛୋଳ ପଞ୍ଚାୟତରେ ରବିବାର ପୂର୍ବାହ୍ନରେ ଖବର ସଂଗ୍ରହ କରିବାକୁ ଯାଇଥିବା ଖବରଦାତାଙ୍କୁ ମରଣାନ୍ତକ ଆକ୍ରମଣ ସହ ଭୋଟ୍ ବାକ୍ସ ଲୁଟ୍ ହୋଇଥିବା ଜଣାପଡ଼ିଛି । ଖବର ମୁତାବକ ରବିବାର ପୂର୍ବାହ୍ନରେ କିପରି ମତଦାନ ଚାଲିଛି ସେନେଇ ଖବର ସଂଗ୍ରହ କରିବାକୁ ବିଭିନ୍ନ ଗଣମାଧ୍ୟମର ଖବରଦାତାମାନେ ବାଛୋଳ ପଞ୍ଚାୟତ ଯାଇଥିଲେ। ସେଠାରେ ନିର୍ଦ୍ଦିଷ୍ଟ ଦଳର କିଛି ଯୁବକ ଗଣମାଧ୍ୟମ ପ୍ରତିନିଧିମାନଙ୍କୁ ନିସ୍ତୁକ ମାଡ଼ ମାରିବା ସହିତ ଭୋଟବାକ୍ସ ଲୁଟି ନେଇଥିଲେ। ବାଛୋଳ ପଞ୍ଚାୟତର ବୁଥ୍ ନଂ ୩, ୪ ,୬ରେ ଏହି ଘଟଣା ଘଟିଛି। ଏହି ଘଟଣା ଜଣାପଡ଼ିବା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି।
ଖବରପାଇ ବିଞ୍ଝାରପୁର ପୋଲିସ ଘଟଣାସ୍ଥଳରେ ପହଞ୍ଚି ଖବରଦାତାମାନଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ଚିକିତ୍ସାଳୟକୁ ପଠାଇଛନ୍ତି। ଏହି ଘଟଣାକୁ ବୁଦ୍ଧିଜୀବୀ ଦୃଢ଼ ନିନ୍ଦା କରିଥିଲାବେଳେ ଆକ୍ରମଣକାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ହେବ ବୋଲି ଏସ୍ପି କହିଛନ୍ତି। ଅନ୍ୟପଟେ ବାଛୋଳ ପଞ୍ଚାୟତର ଉକ୍ତ ବୁଥ୍ଗୁଡିକରେ ମତଦାନ ବନ୍ଦ ରହିଛି।
