ବାହାନଗା,୨୨।୮(ଡି.ଏନ.ଏ.)- ବାଲେଶ୍ୱର ଜିଲା ବାହାନଗା ବ୍ଲକ କରଞ୍ଜେଇ ଗ୍ରାମର ଜଣେ ବିବାହିତ ଯୁବକ ସାମାନ୍ୟ ଟଙ୍କା ପାଇଁ ତାଙ୍କ ବାପାଙ୍କୁ ମରଣାନ୍ତକ ଆକ୍ରମଣ କରି ପୋଲିସ ଦ୍ୱାରା ଗିରଫ୍ ହୋଇଛନ୍ତି। ଏନେଇ ସୋର ଥାନାରେ ଏକ ମାମଲା(ନଂ.୩୭୭/୨୨) ରୁଜୁ ହୋଇଛି। ଗିରଫ ଅଭିଯୁକ୍ତ ହେଲେ ଅଜିତ କୁମାର ପାଣିଗ୍ରାହୀ।
ରବିବାର ସକାଳେ ଅଜିତ ତାଙ୍କ ବାପା ନରେନ୍ଦ୍ର ପାଣିଗ୍ରାହୀଙ୍କୁ ଖର୍ଚ୍ଚପାଇଁ ଶହେ ଟଙ୍କା ମାଗିଥିଲେ। ବାପା ଟଙ୍କା ଦେବାକୁ ମନା କରିଦେବାରୁ ଅଜିତ ଏକ ମାରଣାସ୍ତ୍ରରେ ତାଙ୍କୁୁ ଆକ୍ରମଣ କରିଥିଲେ। ସ୍ଥାନୀୟ ଲୋକେ ଗୁରୁତର ଅବସ୍ଥାରେ ନରେନ୍ଦ୍ରଙ୍କୁ ଉଦ୍ଧାର କରି ସୋର ଡାକ୍ତରଖାନାକୁ ନେଇଥିଲେ। ପରେ ନରେନ୍ଦ୍ର ଥାନାରେ ଅଭିଯୋଗ କରିବାରୁ ପୋଲସ ଅଜିତଙ୍କୁ ଗିରଫ କରିଥିଲା।