ଗଞ୍ଜାମ,୬ା୭(ବିଦ୍ୟାଧର ସାହୁ): ରମ୍ଭା ଥାନା ଅନ୍ତର୍ଗତ ଗଞ୍ଜାମ ବ୍ଲକର ସନ୍ତୋଷପୁର ଗ୍ରାମରେ ଜାଗା ବିବାଦକୁ ନେଇ ଜଣେ ବ୍ୟକ୍ତିଙ୍କୁ ଧାରୁଆ ଅସ୍ତ୍ରରେ ଆକ୍ରମଣ ହୋଇଥିବା ଅଭିଯୋଗ ହୋଇଛି। ଆକ୍ରମଣରେ ଉକ୍ତ ଗ୍ରାମର ଜେ. ଡମ୍ବରୁ ରେଡ୍ଡି ଆହତ ହୋଇଥିବା ବେଳେ ତାଙ୍କୁ ଦଳଗତ ଭାବେ ଆକ୍ରମଣ ହୋଇଥିବା ନେଇ ରମ୍ଭା ଥାନାରେ ଲିଖିତ ଅଭିଯୋଗ କରିଛନ୍ତି l
ମିଳିଥିବା ସୂଚନାନୁଯାୟୀ, ଆଜି ସକାଳେ ସନ୍ତୋଷପୁର ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଥିବା ତାଙ୍କ ଜାଗାରେ ଉକ୍ତ ଗ୍ରାମର କେ. ଦଣ୍ଡପାଣି ପ୍ରଧାନ ଘର ତିଆରି କରୁଥିବା ଖବର ପାଇ ଉକ୍ତ ସ୍ଥାନରେ ପହଞ୍ଚି ପ୍ରତିବାଦ କରିବାରୁ ସେଠାରେ ଦଣ୍ଡପାଣି ପ୍ରଧାନ ଓ ତାଙ୍କ ସମ୍ପର୍କୀୟ
ଗାଳିଗୁଲଜ କରିବା ସହ ଡମ୍ବରୁଙ୍କୁ ଜୀବନରେ ମାରିଦେବାକୁ ଧମକ ଦେଇ ଦେବା ସହ ମାରଣାସ୍ତ୍ର
ଧରି ଉପରକୁ ଝପଟି ଆସିଥିଲେ। ଫଳରେ ସେ ଭୟଭୀତ ହୋଇ ଘରକୁ ଚାଲି ଆସିଥିଲେ। ପରେ ସେମାନେ ତାଙ୍କ ଘରକୁ ଆସି ଦଳଗତ ଭାବେ ବିଭିନ୍ନ ମରଣାସ୍ତ୍ରରେ ଆକ୍ରମଣ କରିଥିବା ଅଭିଯୋଗ ପତ୍ରରେ ଉଲ୍ଲେଖ ରହିଛି। ଏନେଇ ସେ ରମ୍ଭା ଥାନାରେ ଉକ୍ତ ଗ୍ରାମର କେ. ଦଣ୍ଡପାଣି ପ୍ରଧାନ, କେ. ବସନ୍ତ ପ୍ରଧାନ, କେ. ହେମନ୍ତ ପ୍ରଧାନ, କେ. ନିବେଦିତା ପ୍ରଧାନ ପ୍ରମୁଖ ୪ ଜଣଙ୍କ ନାମରେ ତାଙ୍କୁ ଆକ୍ରମଣ କରାଯାଇଥିବା ଅଭିଯୋଗ କରିଛନ୍ତି। ଏଥିରେ ତାଙ୍କ ବାମ ହାତରେ ଆଘାତ ଲାଗିଥିବା ଜଣାପଡ଼ିଛି। ଏନେଇ ରମ୍ଭା ପୋଲିସ ପ୍ରତିକ୍ରିୟା ମିଳିପାରିନାହିଁ।