ବଡ଼ବିଲ,୯ା୬ (ସ୍ବ.ପ୍ର.): କେନ୍ଦୁଝର ଜିଲା ରୁଗୁଡ଼ି ଓ ବଲାଣି ଥାନା ଅଧୀନ ଅପହଞ୍ଚ ଇଲାକାରେ ନିର୍ଦ୍ଦିଷ୍ଟ ଧର୍ମ ପ୍ରଚାରକମାନେ ସତ୍ୟପାଠ ଜରିଆରେ ନିରୀହ ଆଦିବାସୀଙ୍କ ଧର୍ମ ପରିବର୍ତ୍ତନ କରିବାକୁ ଉଦ୍ୟମ କରୁଥିବା ଜଣାପଡ଼ିଛି। ବଡବିଲ ତହସିଲଦାରଙ୍କ ନିକଟରେ ଧର୍ମ ପରିବର୍ତ୍ତନ ନିମନ୍ତେ ସତ୍ୟପାଠ କରିବାକୁ ୨୮ ଜଣ ଆଦିବାସୀ ପହଞ୍ଚତ୍ବା ପରେ ଘଟଣା ଚର୍ଚ୍ଚାର ବିଷୟ ହୋଇଛି।
ସୂଚନା ଅନୁଯାୟୀ, ସୁନ୍ଦରଗଡ଼ ଓ କେନ୍ଦୁଝର ଜିଲାର ବିଭିନ୍ନ ଅଞ୍ଚଳରୁ ଗୁରୁବାର ମଧ୍ୟାହ୍ନରେ ୧୪ ମହିଳା ଓ ୧୪ ପୁରୁଷ ଆଦିବାସୀ ବଡ଼ବିଲ ତହସିଲ କାର୍ଯ୍ୟାଳୟ ପରିସରରେ ପହଞ୍ଚତ୍ଥିଲେ। ଷ୍ଟାମ୍ପ ପେପର କିଣି ଟାଇପ ପରେ ଦସ୍ତଖତ କାର୍ଯ୍ୟ ସାରି ତହସିଲଦାରଙ୍କ ନିକଟରେ ସତ୍ୟପାଠ ନିମନ୍ତେ ଅପେକ୍ଷା କରିଥିଲେ। ସେହି ସମୟରେ ଗଣମାଧ୍ୟମ ପ୍ରତିନିଧିମାନେ ପହଞ୍ଚତ୍ ଧର୍ମ ପରିବର୍ତ୍ତନର କାରଣ ସମ୍ପର୍କରେ ପଚାରିବାରୁ ନିର୍ଦ୍ଦିଷ୍ଟ ଧର୍ମ ଗ୍ରହଣ କଲେ ପରିବାରରେ କଳହ ହେବନାହିଁ, ସେମାନଙ୍କୁ ହଇରାଣ କରାଯିବ ନାହିଁ ବୋଲି କୁହାଯାଉଥିବା ଉକ୍ତ ଆଦିବାସୀ ମହିଳା ଓ ପୁରୁଷ କହିଥିଲେ। ଏହି ସମୟରେ ସେମାନଙ୍କ ସହ ଆସିଥିବା ଆଇନଜୀବୀ ସତ୍ୟପାଠ ନ କରି ସେଠାରୁ ପଳାୟନ କରିଥିଲେ। ତେବେ ସତ୍ୟପାଠ କେନ୍ଦୁଝର ଜିଲା ମୁଖ୍ୟାଳୟରେ ଜଣେ ନୋଟାରିଙ୍କ ନିକଟରେ ଶୁକ୍ରବାର ହେବ ବୋଲି ଜଣାପଡ଼ିଛି।