ପାଇକମାଳ,୨୭।୬(ଡି.ଏନ୍.ଏ): ପଶ୍ଚିମ ଓଡ଼ିଶାର ପ୍ରସିଦ୍ଧ ତୀର୍ଥକ୍ଷେତ୍ର ପାଇକମାଳ ନୃସିଂହନାଥ ପୀଠରେ ଆଖଣ୍ତଳ ଦାଶଙ୍କ ସଭାପତିତ୍ୱରେ ସମଲପୁରୀ ଦିନ୍ ପାଳନ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା। ବୈଠକରେ ସିରଜିନା ସମ୍ପାଦକ ରାଜେନ୍ଦ୍ର କୁମାର ମହାନ୍ତି ସମଲପୁରୀ ଦିନ୍ କିପରି ଆଡମ୍ବର ସହକାରେ ନୃସିଂହନାଥ ପୀଠରେ ପାଳନ କରାଯିବ ସେ ନେଇ ଆଲୋଚନା କରିଥିଲେ। ଉକ୍ତ ଦିନ ୨ଶହ କବି ଓ କଳାକାରଙ୍କୁ ସମ୍ମାନିତ କରିବା ନେଇ ସେ ପ୍ରକାଶ କରିଥିଲେ। ଅଗଷ୍ଟ ୧ ସମଲପୁରୀ ଦିନ୍ ପାଳନ କାର୍ଯ୍ୟକ୍ରମରେ ମୁରିବାହାଲ କଲେଜ ଅଧ୍ୟାପକ ଦିଲୀପ ପଶାୟତ ମୁଖ୍ୟବକ୍ତା ଭାବେ ଯୋଗ ଦେବେ ବୋଲି ବୈଠକରେ କୁହାଯାଇଛି। ଗନ୍ଧମାର୍ଦ୍ଦନ ସୁରକ୍ଷା ଯୁବ ପରିଷଦ କାର୍ଯ୍ୟକ୍ରମ ପ୍ରଯୋଜନା କରିବ ବୋଲି ଯୁବ ପରିଷଦ ଆବାହକ ଦୁର୍ଯ୍ୟୋଧନ ପୁଟା ପ୍ରକାଶ କରିଥିଲେ। ଏହିଦିନ ନୃତ୍ୟ, ଗୀତ ଓ ନାଟକ ମଞ୍ଚସ୍ଥ ହେବାର କାର୍ଯ୍ୟକ୍ରମ ରହିଛି। ଏହି ପରିପ୍ରେକ୍ଷୀରେ ସମ୍ବଲପୁରୀ କବିତା ପାଠୋତ୍ସବ ହେବ। ବୈଠକରେ ନରୋତ୍ତମ ଦାଶ, ପ୍ରେମ ସାଗର ଫୌଜଦାର, ରାଜେନ୍ଦ୍ର ସେଠ, ବିଶ୍ବନାଥ ସେଠ, ଆରଦ୍ରା ବାଗ, ଲଳିତ ଜଗତ ପ୍ରମୁଖ ଯୋଗଦାନ କରିଥିଲେ। ଶେଷରେ ନରୋତ୍ତମ ଦାଶ ଧନ୍ୟବାଦ ଅର୍ପଣ କରିଥିଲେ।