ସିଡ଼ନୀ,୨୮।୧୦: ଭାରତ ବିପକ୍ଷ ୫ ମ୍ୟାଚ ବିଶିଷ୍ଟ ଟି -୨୦ ସିରିଜ ପାଇଁ କ୍ରିକେଟ ଅଷ୍ଟ୍ରେଲିଆ ନିଜ ଦଳ ଘୋଷଣା କରିଛି। ଭାରତ ବିପକ୍ଷ ଟି -୨୦ ସିରିଜରେ ପ୍ୟାଟ କମିନ୍ସ, ମିଚେଲ ମାର୍ଶ ଏବଂ ଜୋଶ ହେଜଲଉଡଙ୍କୁ ବିଶ୍ରାମ ଦିଆଯାଇଛି। ଡେଭିଡ ୱାର୍ନର ଏବଂ ଷ୍ଟିଭ ସ୍ମିଥ ଟି -୨୦ ଦଳକୁ ଫେରିଛନ୍ତି।
କମିନ୍ସ, ମାର୍ଶ ଏବଂ ହେଜଲଉଡଙ୍କ ବ୍ୟତୀତ ଅଲରାଉଣ୍ଡର କ୍ୟାମେରନ ଗ୍ରୀନ ଏବଂ ଫାଷ୍ଟ ବୋଲର ମିଚେଲ ଷ୍ଟାର୍କ ମଧ୍ୟ ଭାରତ ବିପକ୍ଷ ଟି -୨୦ ସିରିଜରେ ବିଶ୍ରାମ ନେଇଛନ୍ତି। ଯେହେତୁ ସ୍ପିନ ଅଲରାଉଣ୍ଡର ଆଷ୍ଟନ ଏଗର ଏ ପର୍ଯ୍ୟନ୍ତ ସମ୍ପୂର୍ଣ୍ଣ ଫିଟ୍ ନୁହଁନ୍ତି ଏବଂ ଚୟନ ପାଇଁ ଉପଲବ୍ଧ ନ ଥିଲେ।
ଉଇକେଟ୍ କିପର ବ୍ୟାଟ୍ସମ୍ୟାନ ମାଥ୍ୟୁ ୱେଡ ଭାରତ ବିପକ୍ଷ ୫ ମ୍ୟାଚ ବିଶିଷ୍ଟ ଟି -୨୦ ସିରିଜରେ କଙ୍ଗାରୁ ଦଳର ଅଧିନାୟକ ହେବେ। ଏହି ସିରିଜ ଟି -୨୦ ଦଳକୁ ଡେଭିଡ ୱାର୍ନର ଏବଂ ଷ୍ଟିଭ ସ୍ମିଥଙ୍କ ପ୍ରତ୍ୟାବର୍ତ୍ତନ ହୋଇଛି। ଏହା ବ୍ୟତୀତ ଟ୍ରାଭିସ ହେଡ, ମାର୍କସ ଷ୍ଟୋଇନିସ, ଗ୍ଲେନ ମ୍ୟାକ୍ସୱେଲ ଏବଂ ଟିମ ଡେଭିଡ ମଧ୍ୟ ଏହି ସିରିଜରେ ଅଷ୍ଟ୍ରେଲିୟ ଦଳର ଅଂଶ ହେବେ।
ଭାରତ ବିପକ୍ଷ ଟି-୨୦ ସିରିଜ ପାଇଁ ଅଷ୍ଟ୍ରେଲିୟ ଦଳ – ମାଥ୍ୟୁ ୱେଡ (ଅଧିନାୟକ), ଜେସନ ବେହରନଡାଫର୍ର୍, ସିନ ଆବଟ୍ଟ, ଟିମ ଡେଭିଡ, ନାଥନ ଏଲିସ, ଟ୍ରାଭିସ ହେଡ, ଜୋସ ଇଂଲିସ (ଉଇକେଟ୍ କିପର), ସ୍ପେନ୍ସର ଜନସନ, ଗ୍ଲେନ ମ୍ୟାକ୍ସୱେଲ, ତନବୀର ସାଂଘା, ମ୍ୟାଟ ସାର୍ଟ, ଷ୍ଟିଭ ସ୍ମିଥ, ମାର୍କସ ଷ୍ଟୋଇନିସ, ଡେଭିଡ ୱାର୍ନର ଏବଂ ଏଡମ ଜମ୍ପା।