ସିଡନୀ,୧୦।୧: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ସିଡନୀରେ ଚାଲିଥିବା ତୃତୀୟ ଟେଷ୍ଟର ଚତୁର୍ଥ ଦିନରେ ଅଷ୍ଟ୍ରେଲୀୟ ଦର୍ଶକ ପୁଣି ଥରେ ସୀମା ଅତିକ୍ରମ କରିଛନ୍ତି। ଭାରତୀୟ ବୋଲର୍ ମହମ୍ମଦ ସିରାଜଙ୍କ ଉପରେ ଅଶାଳୀନ ମନ୍ତବ୍ୟ ଦେଇଥିଲେ। ମ୍ୟାଚର ତୃତୀୟ ଦିନରେ ମଧ୍ୟ ସମାନ ଘଟଣା ଘଟିଥିଲା। ଉଭୟ ଜସପ୍ରୀତ ବୁମରା ଏବଂ ସିରାଜ ମଧ୍ୟ ଏ ବିଷୟରେ ଅଭିଯୋଗ କରିଥିଲେ। ଚତୁର୍ଥ ଦିନ ସିରାଜ ପୋଲିସକୁ କହିଥିଲେ ଯେଉଁ ସ୍ଥାନରୁ ସ୍ବର ଆସିଛି। ଏହା ପରେ ପୋଲିସ ୬ ଜଣ ଅଷ୍ଟ୍ରେଲୀୟ ଦର୍ଶକଙ୍କୁ ଷ୍ଟାଡିୟମରୁ ବାହାର କରି ଦେଇଥିଲା। ଅଷ୍ଟ୍ରେଲୀୟ ଦର୍ଶକଙ୍କ ଏହି କାର୍ଯ୍ୟ ପାଇଁ କ୍ରିକେଟ ଅଷ୍ଟ୍ରେଲିଆ ଟିମ ଇଣ୍ଡିଆକୁ କ୍ଷମା ମାଗିବା ସହ ସୋସିଆଲ ମିଡିଆରେ ଏକ ବିବୃତ୍ତି ଜାରି କରି କହିଛି ଯେ ଏଭଳି ଆଚରଣ ପାଇଁ କ୍ରିକେଟ ଅଷ୍ଟ୍ରେଲିଆ ଜିରୋ ଟଲେରାନ୍ସ (ଅସହ୍ୟ)ନୀତି। ଏହାସହ ଦର୍ଶକଙ୍କୁ କୁହାଯାଇଛି ଯେ ଯଦି ଜାତିପ୍ରଥା ମନ୍ତବ୍ୟ ଦିଅନ୍ତି ତେବେ ଅଷ୍ଟ୍ରେଲିଆ କ୍ରିକେଟରେ ଏହାକୁ ସ୍ବାଗତ କରାଯିବ ନାହିଁ। କ୍ରିକେଟ ଅଷ୍ଟ୍ରେଲିଆ କହିଛି ଯେ, ବୋର୍ଡ ଆଇସିସି ତଦନ୍ତକୁ ଅପେକ୍ଷା କରିଛି। ଦୋଷୀ ଚିହ୍ନଟ ହେବା ପରେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହାସହ କ୍ରିକେଟ୍ ଅଷ୍ଟ୍ରେଲିଆ ପକ୍ଷରୁ କୁହାଯାଇଛି ଯେ, ହୋଷ୍ଟ ଭାବରେ ଆମେ ଆମର ବନ୍ଧୁଙ୍କ ନିକଟରେ କ୍ଷମା ପ୍ରାର୍ଥନା କରୁଛୁ।
