ନୂଆଦିଲ୍ଲୀ,୧।୧୧: ଭାରତ ବାୟୋଟେକ୍ ପ୍ରସ୍ତୁତ କୋଭାକ୍ସିନ ଟିକାକୁ ଅଷ୍ଟ୍ରେଲିଆ ସ୍ବୀକୃତି ପ୍ରଦାନ କରିଛି। ଏହି ଟିକା ନେଇଥିବା ଲୋକେ ଅଷ୍ଟ୍ରେଲିଆ ଯାଇପାରିବେ। ଅଷ୍ଟ୍ରେଲିଆରେ ପଞ୍ଜୀକୃତ ହୋଇ ନ ଥିବା ଦୁଇଟି ଟିକା କୋଭାକ୍ସିନ ଏବଂ ଚାଇନାର ସିନୋଫାର୍ମ ପ୍ରସ୍ତୁତ ବିବିଆଇବିପି-କୋର୍ଭିକୁ ସ୍ବୀକୃତି ପ୍ରଦାନ କରାଯାଇଥିବା ସେଠାର ଔଷଧ ନିୟନ୍ତ୍ରକ ଥେରାପିଉଟିକ୍ ଗୁଡ୍ସ ଆଡ୍ମିନିଷ୍ଟ୍ରେଶନ ଘୋଷଣା କରିଛି। ଫଳରେ କୋଭାକ୍ସିନ ନେଇଥିବା ୧୨ ବର୍ଷରୁ ଊର୍ଦ୍ଧ୍ୱ ଏବଂ ବିବିଆଇବିପି-କୋର୍ଭି ନେଇଥିବା ୧୮ରୁ ୬୦ବର୍ଷ ବୟସର ବ୍ୟକ୍ତି ଅଷ୍ଟ୍ରେଲିଆ ଯିବା ପାଇଁ ଅନୁମତି ପାଇଛନ୍ତି।