ଆଡିଲେଡ୍,୧୯।୧୨: ଅଷ୍ଟ୍ରେଲିଆ ବିପକ୍ଷ ପ୍ରଥମ ଦିବାରାତ୍ର ଟେଷ୍ଟରେ ଶୋଚନୀୟ ପରାଜୟ ହାସଲ କରିଛି ଭାରତୀୟ ଦଳ। ଶନିବାର ମ୍ୟାଚ୍ର ତୃତୀୟ ଦିନରେ ମାତ୍ର ୯୦ ମିନିଟ୍ ମଧ୍ୟରେ ଖେଳାଳିମାନେ ଆଉଟ୍ ହୋଇ ଫେରିଥିଲେ। ମାତ୍ର ୩୬ ରନ୍ରେ ଭାରତ ଦ୍ୱିତୀୟ ଇନିଂସ ଘୋଷଣା କରି ଅଷ୍ଟ୍ରେଲିଆକୁ ୯୦ରନ୍ର ବିଜୟଲକ୍ଷ୍ୟ ଦେଇଥିଲା। ଏହାର ଜବାବରେ ଘରୋଇ ଟିମ୍ ୨ ଉଇକେଟ ହରାଇ ୯୩ରନ୍ କରି ମ୍ୟାଚ୍କୁ ଜିତି ନେଇଛି। ଖେଳ ଶେଷ ସୁଦ୍ଧା ସ୍ଟିଭ୍ ସ୍ମିଥ୍(୧) ଏବଂ ଜୋ ଓ୍ବନର୍ସ(୫୧) ରନ୍ କରି ପଡ଼ିଆରେ ଥିଲେ। ତେବେ ପ୍ରଥମ ଟେଷ୍ଟ ଜିତିବା ପରେ ଅଷ୍ଟ୍ରେଲିଆ ଟିମ୍ ୧-୦ରେ ଅଗ୍ରଣୀ ହୋଇଛି।
ଭାରତୀୟ ଦଳ ୯ରନ୍ରୁ ଖେଳ ଆରମ୍ଭ କରିଥିବା ବେଳେ ୨୭ରନ୍ କରି ୮ ଉଇକେଟ୍ ହରାଇଥିଲା। ଟିମ୍ର କେହି ବି ଖେଳାଳି ୧୦ରନ୍ କରିପାରି ନ ଥିଲେ। ମୟଙ୍କ ଅଗ୍ରଓ୍ବାଲ ସର୍ବାଧିକ ୯ ରନ୍ କରିଥିଲେ। ଦଳଗତ ସ୍କୋର ଆଧାରରେ ଏହା ନ୍ୟୁନତମ ୩୬/୯ ଥିଲା। ପୂର୍ବରୁ ୧୯୭୪ରେ ଇଂଲଣ୍ଡ ବିପକ୍ଷରେ ଭାରତ ୪୨ରନ୍ କରିଥିଲା।
