ନୂଆଦିଲ୍ଲୀ,୧୩।୧୦: ଚାଲିଥିବା ମହିଳା ଟି-୨୦ ବିଶ୍ୱକପରେ ଭାରତୀୟ ଦଳ ରବିବାର ଶକ୍ତିଶାଳୀ ଅଷ୍ଟ୍ରେଲିଆ ନିକଟରୁ ପରାଜୟ ବରଣ କରିଛି। ମ୍ୟାଚ୍ ପରେ ଭାରତୀୟ ଦଳର ଅଧିନାୟକ ହର୍ମନପ୍ରୀତ କହିଛନ୍ତି ଯେ, ଦୀପ୍ତି ଶର୍ମାଙ୍କ ସହିତ ତାଙ୍କର ପାର୍ଟନରସିପ ସମୟରେ ଦୁହେଁ କିଛି ଦୁର୍ବଳ ବଲରେ ରନ କରି ନ ପାରିବ କାରଣରୁ ଦଳକୁ ପରାଜୟର ସାମ୍ନା କରିବାକୁ ପଡିଲା। ଅନ୍ୟପଟେ ଆନ୍ନାବେଲା ସଦରଲାଣ୍ଡଙ୍କ ଶେଷ ଓଭରରେ ଚମତ୍କାର ବୋଲିଂ ଅଷ୍ଟ୍ରେଲିଆକୁ ବିଜୟ କରିବାରେ ସାହାଯ୍ୟ କରିଥିଲା।
ହରମାନପ୍ରୀତ ମ୍ୟାଚ୍ ପରବର୍ତ୍ତୀ ଉପସ୍ଥାପନାରେ କହିଛନ୍ତି ଯେ, ଉଭୟ ଦଳ ମଧ୍ୟରେ ମୁଖ୍ୟ ପାର୍ଥକ୍ୟ ହେଉଛି ଅଷ୍ଟ୍ରେଲିଆ କେବଳ ଜଣେ କିମ୍ବା ଦୁଇ ଖେଳାଳିଙ୍କ ଉପରେ ନିର୍ଭର କରେ ନାହିଁ, ସେମାନଙ୍କ ପାଖରେ କିଛି ଭଲ ଅଲରାଉଣ୍ଡର ମଧ୍ୟ ରହିଛନ୍ତି।
“ମୁଁ ଭାବୁଛି ସେମାନଙ୍କର ସମଗ୍ର ଦଳ ଯୋଗଦାନ କରନ୍ତି, ସେମାନେ ଗୋଟିଏ କିମ୍ବା ଦୁଇ ଖେଳାଳିଙ୍କ ଉପରେ ନିର୍ଭର କରନ୍ତି ନାହିଁ, ସେମାନଙ୍କର ଅନେକ ଅଲରାଉଣ୍ଡର ଅଛନ୍ତି ଯେଉଁମାନେ ମହତ୍ଵପୂର୍ଣ୍ଣ ଯୋଗଦାନ କରନ୍ତି। ଆମେ ମଧ୍ୟ ଭଲ ଯୋଜନା କରିଥିଲୁ ଏବଂ ଆମେ ମ୍ୟାଚ୍ ଜିତିବାର ସମ୍ଭାବନରେ ଥିଲୁ। କିନ୍ତୁ ସେମାନେ ସହଜ ରନ୍ ଦେଇନଥିଲେ, ଯାହା ଭାରତ ପାଇଁ ସ୍ଥିତିକୁ କଷ୍ଟସାଧ୍ୟ କରିଥିଲା। ସେମାନେ ଏକ ଅଭିଜ୍ଞ ଦଳ। ତାହା ଏପରି କିଛି ଯାହା ଆପଣଙ୍କ ନିୟନ୍ତ୍ରଣରେ ନାହିଁ, ଜଣେ କିମ୍ବା ଦୁଇଜଣ ଖେଳାଳି ଖରାପ ଖେଳିଲେ ବି ଆପଣଙ୍କୁ ଖେଳିବାକୁ ପ୍ରସ୍ତୁତ ରହିବାକୁ ପଡିବ ବୋଲି ହରମାନପ୍ରୀତ କହିଛନ୍ତି।