ପର୍ଥ,୧୯।୧୦:ଭାରତ ବିପକ୍ଷ ସିରିଜ ପୂର୍ବରୁ ଅଷ୍ଟ୍ରେଲୀୟ କ୍ରିକେଟ ଜଗତରେ ଦ୍ରୁତ ବୋଲର ଜସପ୍ରୀତ ବୁମ୍ରାଙ୍କ ବିଷୟରେ ଆଲୋଚନା ଆରମ୍ଭ ହୋଇଛି। ଅଷ୍ଟ୍ରେଲିଆର ଆକ୍ରମଣାତ୍ମକ ବ୍ୟାଟ୍ସମ୍ୟାନ ଟ୍ରାଭିସ ହେଡ ତାଙ୍କୁ ‘ଏକ୍ସ ଫ୍ୟାକ୍ଟର୍’ ବୋଲି କହିଥିବାବେଳେ ପୂର୍ବତନ ଫାଷ୍ଟ ବୋଲର ବ୍ରେଟ ଲି କହିଛନ୍ତି, ବୁମରା ବିଲେଇ ପରି ଚୋରି କରି ଚମତ୍କାର କରନ୍ତି।
ଶୁକ୍ରବାରଠାରୁ ପର୍ଥରୁ ଆରମ୍ଭ ହୋଇଥିବା ପ୍ରଥମ ଟେଷ୍ଟରେ ବୁମରା ଭାରତ ଅଧିନାୟକ ହେବେ। ସିରିଜ ପୂର୍ବରୁ ବର୍ତ୍ତମାନର ତଥା ପୂର୍ବତନ ଅଷ୍ଟ୍ରେଲୀୟ କ୍ରିକେଟରମାନେ ତାଙ୍କୁ ପ୍ରଶଂସା କରିଛନ୍ତି। ସ୍ଥାନୀୟ ଗଣମାଧ୍ୟମ ଅନୁଯାୟୀ, ସତୁରି ଦଶକରେ ୱେଷ୍ଟଇଣ୍ଡିଜ ଦ୍ରୁତ ଆକ୍ରମଣର ସୁବର୍ଣ୍ଣ ଯୁଗ ପରେ ପ୍ରଥମ ଥର ପାଇଁ ଜଣେ ଦ୍ରୁତ ବୋଲର ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ୍ଙ୍କୁ ଭୟଭୀତ କରିଛନ୍ତି। ୨୦୧୮ ବକ୍ସିଂ ଡେ ଟେଷ୍ଟରେ ୬ଟି ଉଇକେଟ ସମେତ ବୁମରା ଗତ ଦୁଇଟି ଟେଷ୍ଟ ଟୁର୍ରେ ଅଷ୍ଟ୍ରେଲିଆ ବିପକ୍ଷରେ ୩୨ ଉଇକେଟ ନେଇଥିଲେ।
ହେଡ କହିଛନ୍ତି,ବୁମ୍ରାଙ୍କୁ ସାମ୍ନା କରିବା ପ୍ରାୟ ଅସମ୍ଭବ। ତୁମେ ଭାବୁଛ ତୁମେ ଗୋଟିଏ ପାଦ ଆଗରେ, କିନ୍ତୁ ସେ ସବୁବେଳେ ତୁମଠାରୁ ଗୋଟିଏ ପାଦ ଆଗରେ। ଖେଳର ଯେକୌଣସି ଫର୍ମାଟରେ ସେ ଚମତ୍କାର କରନ୍ତି। ସେ ହେଉଛନ୍ତି ଏକ୍ସଫ୍ୟାକ୍ଟର୍ ଏବଂ ଯେଉଁମାନେ ପ୍ରତ୍ୟେକ ମ୍ୟାଚ ରେ ଏକ ମାର୍କ ଛାଡିଥା’ନ୍ତି। ସେ ସବୁଠାରୁ ବଡ ଖେଳାଳି।