ମେଲବୋର୍ନ,୨୮ା୧୨(ପି.ଟି): ଶତକୀୟ ଟେଷ୍ଟରେ ଓପନର ଡେଭିଡ୍ ଓ୍ବାର୍ନରଙ୍କ ଦ୍ୱିଶତକ ବଳରେ ଦୃଢ ସ୍ଥିତିରେ ରହିଛି ଅଷ୍ଟ୍ରେଲିଆ। ଦକ୍ଷିଣ ଆଫ୍ରିକା ପ୍ରଥମ ଇନିଂସରେ ୧୮୯ ରନରେ ଅଲଆଉଟ ହୋଇଥିବା ବେଳେ ଦ୍ୱିତୀୟ ଦିନର ଷ୍ଟମ୍ପ ଅପସାରଣ ସୁଦ୍ଧା ଅଷ୍ଟ୍ରେଲିଆ ୩ ଉଇକେଟରେ ୩୮୬ ରନ୍ କରିବା ସହିତ ୧୯୭ ରନରେ ଆଗୁଆ ରହିଛି। ପ୍ରଥମ ଦିନର ଅସମାପ୍ତ ସ୍କୋର ୪୫/୧ରୁ ଖେଳ ଆରମ୍ଭ କରିଥିଲା ଅଷ୍ଟ୍ରେଲିଆ। ମାର୍ନସ ଲାବୁଶେନ୍ ୧୪ ଓ ଷ୍ଟିଭେନ୍ ସ୍ମିଥ୍ ୮୫ ରନ୍ କରିଥିଲେ। ୨୫୪ ବଲ ଖେଳିଥିବା ଓ୍ବାର୍ନର ୧୬ ଚୌକା ଓ ୨ ଛକା ସହିତ ୨୦୦ ରନ୍ କରି ରିଟାୟର୍ଡ ହର୍ଟ ହୋଇଥିଲେ। ଖେଳ ଶେଷ ହେବା ବେଳକୁ ଆଲେକ୍ସ କେରୀ ୯ ଓ ଟ୍ରାଭିସ୍ ହେଡ୍ ୪୮ ରନରେ ଅପରାଜିତ ରହିଥିଲେ। ଦକ୍ଷିଣ ଆଫ୍ରିକା ପକ୍ଷରୁ ଆନରିଚ୍ ନର୍ଜେ ଓ କାଗିସୋ ରବାଡା ଗୋଟିଏ ଲେଖାଏ ଉଇକେଟ ଅକ୍ତିଆର କରିଛନ୍ତି।
ସଂକ୍ଷିପ୍ତ ସ୍କୋର
ଦକ୍ଷିଣ ଆଫ୍ରିକା ପ୍ରଥମ ଇନିଂସ: ୬୮.୪ ଓଭରରେ ୧୮୯/୧୦ (ମାର୍କୋ ଜାନସେନ୍-୫୯, କାଇଲ ଭେରେୟିନ୍-୫୨, ଡିନ୍ ଏଲଗାର -୨୬, କାମେରନ୍ ଗ୍ରୀନ୍-୫/୨୭, ମିଚେଲ୍ ଷ୍ଟାର୍କ-୨/୩୯, ସ୍କଟ୍ ବୋଲାଣ୍ଡ-୧/୩୪)। ଅଷ୍ଟ୍ରେଲିଆ ପ୍ରଥମ ଇନିଂସ-୯୧ ଓଭରରେ ୩୮୬/୩ (ଡେଭିଡ୍ ଓ୍ବାର୍ନର-୨୦୦ ରିଟାୟର୍ଡ, ଷ୍ଟିଭେନ୍ ସ୍ମିଥ୍-୮୫, ଟ୍ରାଭିସ୍ ହେଡ୍-୪୮*, କାଗିସୋ ରବାଡା- ୧/୯୪, ଆନରିଚ୍ ନର୍ଜେ-୧/୫୦)।