ସିଡ୍ନୀ, ୧୧ା୧୦ (ପି.ଟି.)- ଅଷ୍ଟ୍ରେଲିଆ ଟୁର୍ ପୂର୍ବରୁ ବ୍ରିସ୍ବେନ୍ରେ ଭାରତୀୟ କ୍ରିକେଟ ଦଳର କ୍ୱାରାଣ୍ଟାଇନ୍ ପରିୟଡ୍କୁ ହ୍ରାସ କରିବା ଲାଗି ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କ ଅନୁରୋଧକୁ ପ୍ରତ୍ୟାଖ୍ୟାନ କରାଯାଇପାରେ ବୋଲି ସିଡ୍ନୀ ମର୍ନିଂ ହେରାଲ୍ଡରେ ଏକ ରିପୋର୍ଟରେ ପ୍ରକାଶ ପାଇଛି। କୋଭିଡ୍ ଖେଳର ନିୟମକୁ ବଦଳାଇ ଦେଇଛନ୍ତି। ଜୁଲାଇରେ ଇଂଲଣ୍ଡ ଓ ଓ୍ବେଷ୍ଟଇଣ୍ଡିଜ ମଧ୍ୟରେ ଟେଷ୍ଟ ସିରିଜ ସହ ଅନ୍ତର୍ଜାତୀୟ କ୍ରିକେଟ ପୁଣି ଆରମ୍ଭ ହୋଇଛି। ଖେଳାଳିମାନଙ୍କୁ ଦୁଇ ସପ୍ତାହ କ୍ୱାରାଣ୍ଟାଇନ୍ରେ ରହିବାକୁ ହେଉଛି। ପଡ଼ିଆକୁ ଓହ୍ଳାଇବା ପୂର୍ବରୁ ସେମାନଙ୍କର କୋଭିଡ୍ ଟେଷ୍ଟ କରାଯାଉଛି। କୁଇନ୍ସଲାଣ୍ଡ ସ୍ବାସ୍ଥ୍ୟ ଅଫିସିଆଲମାନେ କଡ଼ାକଡ଼ି ଭାବେ ଜାତୀୟ ପ୍ରୋଟୋକଲକୁ ଅନୁପାଳନ କରୁଛନ୍ତି। ଏହିସବୁ କାରଣରୁ ସଂଶୋଧିତ କାର୍ଯ୍ୟସୂଚୀ ଘୋଷଣାରେ କ୍ରିକେଟ ଅଷ୍ଟ୍ରେଲିଆ ବିଳମ୍ବ କରୁଛି। ଏକ ହୋଟେଲ୍ ରୁମ୍ରେ ଏହାର ଖେଳାଳିମାନଙ୍କୁ ସୀମିତ ରଖା ଯାଇ ସେମାନଙ୍କୁ ଜୈବସୁରକ୍ଷିତ ଅଞ୍ଚଳରେ ଟ୍ରେନିଂ ପାଇଁ ଅନୁମତି ଦିଆଯାଉ। ଏହା ନ ହେଲେ ଭାରତୀୟ ଖେଳାଳି ଫିଟ୍ନେସ୍ ସମସ୍ୟା ଦେଖା ଦେଇପାରେ। ଏଥିପାଇଁ କ୍ୱାରାଣ୍ଟାଇନ୍ ପିରିୟଡ୍ ହ୍ରାସ କରିବାକୁ ପଡ଼ିବ। ସଂଯୁକ୍ତ ଆରବ ଏମିରେଟ୍ସ (ୟୁଏଇ)ରେ ନଭେମ୍ବର ୧୦ରେ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ଶେଷ ହେବାର କିଛିଦିନ ମଧ୍ୟରେ ଭାରତୀୟ ଖେଳାଳି, କୋଚ୍ ସପୋର୍ଟ ଷ୍ଟାଫ୍ ଏବଂ ପରିବାର ବ୍ରିସ୍ବେନ୍ରେ ପହଞ୍ଚତ୍ବେ। ଏହାର ସଂଖ୍ୟା ବୃଦ୍ଧି ପାଇଁ କରାଯାଇଥିବା ଅନୁରୋଧ କିନ୍ତୁ ବିଚାରାଧୀନ ଥିବା ରିପୋର୍ଟରେ କୁହାଯାଇଛି। ଅଷ୍ଟ୍ରେଲିଆ ଟୁର୍ରେ ସିରିଜ ଖେଳିବା ଲାଗି ଭାରତର ୨୩ରୁ ୨୫ଜଣ ଖେଳାଳି ଯିବେ। ଟେଷ୍ଟ ସ୍ପେସାଲିଷ୍ଟ ଚେତେଶ୍ୱର ପୂଜାରା, ହନୁମା ବିହାରୀ ଏବଂ ମୁଖ୍ୟ କୋଚ୍ ରବି ଶାସ୍ତ୍ରୀଙ୍କ ନେତୃତ୍ୱାଧୀନ ସପୋର୍ଟ ଷ୍ଟାଫ୍ମାନେ ଅଷ୍ଟ୍ରେଲିଆ ଗସ୍ତ ପୂର୍ବରୁ ପ୍ରଥମେ ଦୁବାଇରେ ୬ ଦିନ କ୍ୱାରାଣ୍ଟାଇନ୍ରେ ରହିବେ। ଖବର ଅନୁସାରେ ଟେଷ୍ଟ ପୂର୍ବରୁ ହ୍ବାଇଟ୍ ବଲ୍ ସିରିଜ ଖେଳାଯିବ। ପ୍ରଥମେ ବ୍ରିସ୍ବେନ (ନଭେମ୍ବର ୨୬, ୨୮ ଓ ୩୦)ରେ ୩ ମ୍ୟାଚ୍ ବିଶିଷ୍ଟ ଅନ୍ତର୍ଜାତୀୟ ଦିନିକିଆ ସିରିଜ ପରେ ଆଡିଲେଡ୍ରେ ଟି୨୦ ସିରିଜ (ଡିସେମ୍ବର ୪,୬, ୮) ଖେଳାଯିବ। ୪ ମ୍ୟାଚବିଶିଷ୍ଟ ଟେଷ୍ଟ ସିରିଜ ଡିସେମ୍ବର ୧୭ରୁ ଆରମ୍ଭ ହେବ। ନିକଟରେ ନ୍ୟୁଜିଲାଣ୍ଡ ମହିଳା କ୍ରିକେଟ ଦଳ ଅଷ୍ଟ୍ରେଲିଆ ଟୁର୍ ବେଳେ କୁଇନ୍ସଲାଣ୍ଡରେ ୧୪ ଦିନ କ୍ୱାରାଣ୍ଟାଇନ୍ରେ ରହିଥିଲା। ସିରିଜ ପୂର୍ବରୁ ସେଠାରେ କିନ୍ତୁ ଟ୍ରେନିଂ ପାଇଁ ଅନୁମତି ମିଳିଥିଲା।
