ଆଣ୍ଟିଗୁଆ,୨।୨: ଚଳିତ ୧୯ ବର୍ଷରୁ କମ୍ ବିଶ୍ୱକପ୍ ଫାଇନାଲରେ ସ୍ଥାନ ପକ୍କା କରିବା ପାଇଁ ଅଷ୍ଟ୍ରେଲିଆ ଆଗରେ ୨୯୧ ରନ୍ର ଟାଗେର୍ଟ ଛିଡ଼ା କରିଛି ଭାରତୀୟ ଦଳ।
ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିବା ଟିମ୍ ଇଣ୍ଡିଆକୁ ଭଲ ଆରମ୍ଭ ମିଳି ନ ଥିଲା। ମାତ୍ର ୩୭ ରନ୍ରେ ଆଉଟ୍ ହୋଇଯାଇଥିଲେ ଦୁଇ ଓପନର। ଅଙ୍ଗକ୍ରିଶ ରଘୁବଂଶୀ (୬) ଓ ହରନୁର ସିଂ (୧୬) କିଛି ଖାସ କରି ପାରି ନ ଥିଲେ। ସଙ୍କଟଜନକ ପରିସ୍ଥିତିରେ ଦଳକୁ ସମ୍ଭାଳି ଥିଲେ ଅଧିନାୟକ ୟଶ ଧୁଲ ଓ ଶୈଖ ରଶିଦ। ଦୁହେଁ ତୃତୀୟ ଉଇକେଟ ପାଇଁ ଯୋଡ଼ିଥିଲେ ୨୦୪ ରନ୍। ଅଧିନାୟକ ଧୁଲ ୧୧୦ ରନ୍ର (୧୦ ଚୌକା ଓ ୧ ଛକା) ଶତକୀୟ ପାଳି ଖେଳିଥିଲେ। ହେଲେ ଶତକ ପୂର୍ବରୁ ଝୁଣ୍ଟି ପଡ଼ିଥିଲେ ରଶିଦ (୯୪ ରନ୍, ୮ ଚୌକା ଓ ୧ ଛକା)। ତା’ ପରେ ଦଳ ୨୪୦ରୁ ୨୬୦ ରନ୍ ମଧ୍ୟରେ ଭାରତ ୩ ଉଇକେଟ ହରାଇଥିଲା। ଶେଷ ଆଡ଼କୁ ନିଶାନ୍ତ ସିନ୍ଧୁ ୧୨ (୧ ଲେଖାଏ ଚୌକା ଓ ଛକା)ଏବଂ ଦୀନେଶ ବାନା ୨୦ (୨ ଚୌକା ଓ ୨ ଛକା)ଙ୍କ ଯୋଗୁ ଦଳ ୫ ଉଇକେଟ ହରାଇ ୨୯୦ ରନ୍ କରିପାରିଛି। ଅଷ୍ଟ୍ରେଲିଆ ପାଇଁ ଜ୍ୟାକ ନିସବେଟ୍ ଓ ଓ୍ବିଲିୟମ ସାଲଜମାନ ୨ ଲେଖାଏ ଉଇକେଟ ନେଇଥିଲେ।