ଆଡିଲେଡ୍,୨୩।୧୨: ଡିସେମ୍ବର ୨୬ରେ ଖେଳାଯିବ ବକ୍ସିଂ ଡେ ଟେଷ୍ଟ। ଏହାପୂର୍ବରୁ ଅଷ୍ଟ୍ରେଲିଆ ଟିମ୍କୁ ଡବଲ୍ ଝଟକା ଲାଗିଛି। କୋଭିଡ-୧୯ର ନିୟମକୁ ନେଇ ମେଲବର୍ନ ଟେଷ୍ଟରୁ ଓପନର୍ ଡେଭିଡ ଓ୍ବାର୍ନର ବାହାରିବା ପରେ ଏବେ ଅଲ୍ରାଉଣ୍ଡର ସିଏନ୍ ଆବୋର୍ଟ ମଧ୍ୟ ଟିମ୍ରୁ ବାହାରିଛନ୍ତି। ଆଘାତ ଲାଗିବା ଯୋଗୁ ଆବୋର୍ଟ ଆଗାମୀ ମ୍ୟାଚ୍ ଖେଳିପାରିବେ ନାହିଁ। ଅପରପକ୍ଷେ ଭାରତୀୟ ଦ୍ରୁତ ବୋଲର ମହମ୍ମଦ ଶାମୀ ମଧ୍ୟ ଆହତ ହେବା ଯୋଗୁ ଆରାମ କରୁଛନ୍ତି।
ପ୍ରଥମ ଟେଷ୍ଟ ମ୍ୟାଚ୍ରେ ବ୍ୟାଟିଂ କରିବା ସମୟରେ ସେ ଆହତ ହୋଇଥିଲେ। ଓ୍ବାର୍ନର ଭାରତ ବିପକ୍ଷ ଦିନିକିଆ ମ୍ୟାଚ୍ରେ ଆହତ ହୋଇଥିଲେ। ସେ ଏବେ ସୁସ୍ଥ ହୋଇଥିବା କୁହାଯାଇଥିଲା। ହେଲେ କରୋନା ଗାଇଡଲାଇନ୍କୁ ନେଇ ସେ ବକ୍ସିଂ ଡେ ମ୍ୟାଚ୍ ଖେଳିପାରିବେ ନାହିଁ। ତେବେ ଅଷ୍ଟ୍ରେଲିଆ ଟିମ୍ ପ୍ରଥମ ମ୍ୟାଚ୍ରେ ବିଜେତା ହୋଇ ସିରିଜରେ ୧-୦ରେ ଆଗୁଆ ରହିଛି।
