ନୂଆଦିଲ୍ଲୀ,୧୭ା୫- ଭାରତୀୟ ମହିଳା ଏ’ ଦଳ ଲାଗି ସିରିଜ୍ ଆୟୋଜନ କରିବ ବୋଲି କ୍ରିକେଟ ଅଷ୍ଟ୍ରେଲିଆ (ସିଏ) ଶୁକ୍ରବାର ସ୍ପଷ୍ଟ କରିଛି। ଚଳିତ ଡିସେମ୍ବରରେ ଭାରତୀୟ ମହିଳା ଏ’ ଦଳ ଅଷ୍ଟ୍ରେଲିଆ ଗସ୍ତ କରି ୩ଟି ଲେଖାଏ ଦିନିକିଆ ଓ ଟି୨୦ ଖେଳିବ। ସମସ୍ତ ମ୍ୟାଚ୍ କୁଇନ୍ସଲାଣ୍ଡଠାରେ ଖେଳାଯିବ। ଗତ ବର୍ଷ ଅଷ୍ଟ୍ରେଲିଆ ଏ’ ସଫଳତାର ସହ ଭାରତ ଗସ୍ତ କରିବା ପରେ ସିଏ ଏହି ଘୋଷଣା କରିଛି। ଏହା ଭାରତୀୟ ମହିଳା ଏ’ ଦଳର ପ୍ରଥମ ଥର ପାଇଁ ବିଦେଶ ଗସ୍ତ। ଭାରତୀୟ ଏ’ ଦଳ ଡିସେମ୍ବର ୧୨ ତାରିଖରେ ୫୦ ଓଭର ବିଶିଷ୍ଟ ଆ ମ୍ୟାଚ୍ ସହ ବ୍ରିସବେନଠାରୁ ଅଭିଯାନ ଆରମ୍ଭ କରିବ। ଏହାପରେ ୧୪ ଓ ୧୬ ତାରିଖରେ ବଳକା ଦୁଇଟି ଦିନିକଆ ମ୍ୟାଚ୍ ଖେଳିବ। ଏହାପରେ ଗୋଲ୍ଡ କୋଷ୍ଟଠାରେ ୧୯, ୨୧ ଓ ୨୩ ତାରିଖରେ ୩ଟି ଟି୨୦ ମ୍ୟାଚ୍ ଖେଳିବ।