ସିଡନୀ,୨୨।୧୦ (ପି.ଟି.): ଆଗାମୀ ଅଷ୍ଟ୍ରେଲିଆ ଗସ୍ତରେ ଭାରତୀୟ ଖେଳାଳି ନ୍ୟୁ ସାଉଥ୍ ଓ୍ବେଲ୍ସ (ଏନ୍ଏସ୍ଡବ୍ଲ୍ୟୁ) ରାଜ୍ୟର ରାଜଧାନୀ ସିଡ୍ନୀରେ ଅବତରଣ କରିବା ସହ ସେଠାରେ କ୍ୱାରାଣ୍ଟାଇନ୍ରେ ରହିବା ସହ ଅଭ୍ୟାସ କରିବାର ଯଥେଷ୍ଟ ସମ୍ଭାବନା ରହିଛି। ଏ ନେଇ କ୍ରିକେଟ ଅଷ୍ଟ୍ରେଲିଆ (ସିଏ) ଅନୁରୋଧ କରିଛି ବୋଲି ନ୍ୟୁ ସାଉଥ୍ ଓ୍ବେଲ୍ସ କ୍ରୀଡ଼ାମନ୍ତ୍ରୀ ଷ୍ଟୁଆର୍ଟ ଆରେଜ୍ କହିଛନ୍ତି। ଭାରତ ସହିତ ଅଷ୍ଟ୍ରେଲିଆ ଦଳ ମଧ୍ୟ ଏଠାରେ କ୍ୱାରାଣ୍ଟାଇନରେ ରହିବ ଓ ଟ୍ରେନିଂ ନେବ ବୋଲି ସେ କହିଛନ୍ତି। ଭାରତୀୟ ଖେଳାଳିଙ୍କ ସମେତ ସ୍ବଦେଶ ଫେରିବାକୁ ଥିବା ଅଷ୍ଟ୍ରେଲିଆ ଖେଳାଳି ସିଡନୀରେ କ୍ୱାରାଣ୍ଟାରଇନ୍ରେ ରହିବା ସହ ଟ୍ରେନିଂ ନେବା ନେଇ କ୍ରିକେଟ ଅଷ୍ଟ୍ରେଲିଆ ନ୍ୟୁ ସାଉଥ ଓ୍ବେଲ୍ସ ସରକାରଙ୍କୁ ଅନୁରୋଧ ଜଣାଇଛନ୍ତି। ଏହି ପ୍ରସ୍ତାବ ନେଇ ଏନ୍ଏସ୍ଡବ୍ଲ୍ୟ କର୍ତ୍ତୃପକ୍ଷ ଆକଳନ କରୁଛନ୍ତି। ଏ ନେଇ ସ୍ବାସ୍ଥ୍ୟ ଓ ପୋଲିସ୍ ବିଭାଗ ସହ ଆଲୋଚନା ଜାରି ରହିଛି। କ୍ରିକେଟ ଅଷ୍ଟ୍ରେଲିଆ ଭାରତ ବିପକ୍ଷ କାର୍ଯ୍ୟସୁଚୀ ସ୍ଥିର କରିବ। ଏଥି ସହିତ କ୍ୱାରାଣ୍ଟାଇନ ପ୍ରସ୍ତାବ ନେଇ ଆମର ମୂଲ୍ୟାଙ୍କନ ପ୍ରଭାବିତ ହେବ ନାହିଁ। ଯଦି କ୍ରିକେଟ ଅଷ୍ଟ୍ରେଲିଆ ଓ ଏନ୍ଏସ୍ଡବ୍ଳ୍ୟୁ ସରକାର ଏ ନେଇ କୌଣସି ଚୁକ୍ତି କରନ୍ତି ତେବେ ବିସିସିଆଇକୁ ଏକ ସଂଶୋଧିତ ଯୋଜନା ପ୍ରଦାନ କରାଯିବ। ବିସିସିଆଇ ଏହାକୁ ଅନୁମୋଦନ କରିବାର ଆବଶ୍ୟକତା ରହିଛି।