ଅଷ୍ଟ୍ରେଲିଆର ପୂର୍ବତନ ଅଲରାଉଣ୍ଡର ଆଣ୍ଡ୍ର୍ୟୁ ସାଇମଣ୍ଡସ ଜଣେ ଜଣାଶୁଣା ଅଲରାଉଣ୍ଡର ଥିେଲେ। ଖେଳର ପ୍ରତ୍ୟେକ ବିଭାଗରେ ବ୍ୟାଟିଂ, ବୋଲିଂ କିମ୍ବା ଫିଲ୍ଡିଂରେ ସେ ନିଜର ପରିଚୟ ଛାଡି ପାରିଥିଲେ। ତେବେ ବିବାଦ ସହ ତାଙ୍କର ମଧ୍ୟ ଗଭୀର ସମ୍ପର୍କ ଥିଲା। ଏହି କାରଣରୁ, ସାଇମଣ୍ଡସ୍ଙ୍କ ଆନ୍ତର୍ଜାତୀୟ କ୍ୟାରିଅର୍ ଅଧିକ ସମୟ ରହିଲା ନାହିଁ। କିନ୍ତୁ ସେ କିଛି ବର୍ଷ ଖେଳି ବିପକ୍ଷ ଶିବିରରେ ଭୟ ସୃଷ୍ଟି କରିଥିଲେ।
୧୯୯୫ରେ ଆଜିର ଦିନରେ ସେ ପ୍ରଥମ ଶ୍ରେଣୀ କ୍ରିକେଟରେ ଏପରି ଇନିଂସ ଖେଳିଥିଲେ ଯାହା ଦେଖି ବିଶ୍ୱ ଆଶ୍ଚର୍ଯ୍ୟ ହୋଇଯାଇଥିଲା। ସାଇମଣ୍ଡସ ମାତ୍ର ୨୦ ବର୍ଷ ବୟସରେ ଗ୍ଲୁକେଷ୍ଟେଶେୟାର୍ ପାଇଁ ଖେଳୁଥିବାବେଳେ ସେ ୧୬ ଛକା ସହାୟତାରେ ଅପରାଜିତ ୨୫୪ ରନ ସ୍କୋର କରିଥିଲେ। ଏହା ସେତେବେଳେ ଏକ ରେକର୍ଡ ଥିଲା। ୧୯୯୫ରେ, ଗ୍ଲୁକେଷ୍ଟେଶେୟାର୍ ଏବଂ ଗ୍ଲାମରଗାନର ଦଳ କାଉଣ୍ଟି ଚାମ୍ପିଅନସିପ ମ୍ୟାଚରେ ମୁହାଁମୁହିଁ ହୋଇଥିଲେ । ସାଇମଣ୍ଡସ ଗ୍ଲୁକେଷ୍ଟେଶେୟାର୍ ପାଇଁ ଖେଳୁଥିଲେ। ଦ୍ୱିତୀୟ ଦିନର ଖେଳ ସମାପ୍ତ ହେଲାବେଳକୁ ସାଇମଣ୍ଡସ ୧୯୭ ରନ୍ରେ ଅପରାଜିତ ରହିଲେ। ମ୍ୟାଚ୍ର ତୃତୀୟ ଦିନରେ ସାଇମଣ୍ଡସ ତାଙ୍କର ଦ୍ୱିଶତକ ପୂରଣ କରିଥିଲେ। ସାଇମଣ୍ଡସ ୨୦୬ ବଲରୁ ୨୫୪ ରନ୍ରେ ଅପରାଜିତ ରହିଥିଲେ। ସେ ୧୬ ଛକା ଓ ୨୨ ଚୌକା ମାରିଥିଲେ। ତାହା ହେଉଛି, କେବଳ ଚୌକାରେ ସେ ୧୮୪ ରନ ହାସଲ କରିଥିଲେ। ସେ ୪ ଘଣ୍ଟାରୁ ଅଧିକ ବ୍ୟାଟିଂ କରି ଷ୍ଟ୍ରାଇକ ହାରରେ ୧୨୩ରୁ ଅଧିକ ସ୍କୋର କରିଥିଲେ।
