ମେଲବୋର୍ନ,୯ା୧୧: ଅଷ୍ଟ୍ରେଲିଆ ମହିଳା କ୍ରିକେଟ ଦଳର ସଫଳ ଅଧିନାୟିକା ମେଗ୍ ଲାନିଂ ଗୁରୁବାର ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି। ସେ ତାଙ୍କ ଦୀର୍ଘ ୧୩ ବର୍ଷର କ୍ୟାରିୟରରେ ୭ ବିଶ୍ୱ ଟାଇଟଲ ହାସଲ କରିଛନ୍ତି। ତନ୍ମଧ୍ୟରେ ସେ ୫ଟି ଅଧିନାୟିକା ଭାବେ ଜିତିଛନ୍ତି। ୩୧ ବର୍ଷୀୟା ଏହି ମହିଳା କ୍ରିକେଟରଙ୍କ ନେତୃତ୍ୱରେ ଅଷ୍ଟ୍ରେଲିଆ ଗତବର୍ଷ ରାଜ୍ୟଗୋଷ୍ଠୀ କ୍ରୀଡ଼ାରେ ସ୍ବର୍ଣ୍ଣ ପଦକ ହାସଲ କରିଥିଲା।
ସେ ସମସ୍ତ ଫର୍ମାଟରେ ୮୩୫୨ ରନ ୨୪୧ ଗେମ୍ (୬ ଟେଷ୍ଟ, ୧୦୩ ଅନ୍ତର୍ଜାତୀୟ ଦିନିକିଆ, ୧୩୨ ଟେଷ୍ଟ)ରେ ସ୍କୋର କରିଥିଲେ। ଲାନିଙ୍ଗ କିନ୍ତୁ ବିଶ୍ୱବ୍ୟାପୀ ଟି୨୦ ଲିଗ୍ରେ ଖେଳିବା ଜାରି ରଖିବେ। ଦୀର୍ଘ ୧୩ ବର୍ଷର ଅନ୍ତର୍ଜାତୀୟ କ୍ୟାରିୟରକୁ ସେ ଭଲରୂପେ ଉପଭୋଗ କରିଛନ୍ତି। ନିଷ୍ପତ୍ତି କଷ୍ଟକର ଥିଲେ ମଧ୍ୟ ଅବସର ନେବା ପାଇଁ ଏହା ଉପଯୁକ୍ତ ସମୟ ବୋଲି ସେ ସ୍ଥିର କରିଥିଲେ ବୋଲି କହିଛନ୍ତି।