ସିଡନୀ,୪।୩: ଅଷ୍ଟ୍ରେଲିଆର କିମ୍ବଦନ୍ତୀ ଉଇକେଟ କିପର ରୋଡ ମାର୍ଶଙ୍କ ପରଲୋକ ଘଟିଛି। ତାଙ୍କୁ ୭୪ ବର୍ଷ ବୟସ ହୋଇଥିଲା। ନିକଟରେ ହୃଦଘାତ ଯୋଗୁ ସେ କୋମାରେ ଥିଲେ। ମାର୍ଶ ୩୫୫ ଉଇକେଟ୍ ନେଇଛନ୍ତି, ଯାହା ତାଙ୍କ ଅବସର ପର୍ଯ୍ୟନ୍ତ ଏକ ବିଶ୍ୱ ରେକର୍ଡ ଥିଲା। ସେ ୧୯୭୦ରୁ ୧୯୮୪ ପର୍ଯ୍ୟନ୍ତ ଅଷ୍ଟ୍ରେଲିଆ ପାଇଁ ୯୬ଟି ଟେଷ୍ଟ ମ୍ୟାଚ ଖେଳିଥିଲେ। ମାର୍ଶ ୯୨ ଟି ଦିନିକିଆ ଖେଳିଥିଲେ। ସେ ଅଷ୍ଟ୍ରେଲିଆର ଯୁବ କ୍ରିକେଟରମାନଙ୍କୁ ପ୍ରଶିକ୍ଷଣ ମଧ୍ୟ ଦେଇଛନ୍ତି। ସେ ୨୦୧୬ ପର୍ଯ୍ୟନ୍ତ ଅଷ୍ଟ୍ରେଲିଆର ପୁରୁଷ କ୍ରିକେଟର୍ ଚୟନ କମିଟିର ସଭାପତି ମଧ୍ୟ ଥିଲେ। ମାର୍ଶ ଅଷ୍ଟ୍ରେଲିଆର ତୃତୀୟ ସଫଳ ଉଇକେଟ କିପର।