ବେଜିଂ,୧୧।୮: ଅଷ୍ଟ୍ରେଲୀୟ ଖବରଦାତା ଚେଙ୍ଗ ଲେଇ ୟିର୍ନ ଏକ ସ୍ପର୍ଶକାତର ଚିଠି ଲେଖିଛନ୍ତି ଯାହା ସୋସିଆଲ ମିଡିଆରେ ଭାଇରାଲ ହେଉଛି। ଚେଙ୍ଗ ଲେଇ ଲେଖିଛନ୍ତି ଯେ ସେ ପିଲାମାନଙ୍କୁ ମନେ ପକାଉଛନ୍ତି ଏବଂ ଖୋଲା ଆକାଶ ତଳେ ସୂର୍ଯ୍ୟଙ୍କ ପାଖରେ ବସିବାକୁ ଚାହୁଁଛନ୍ତି। ସୂଚନାଯୋଗ୍ୟ, ଚେଙ୍ଗ ଲେଇ ଜଣେ ଚାଇନାର ମୂଳ ଅଷ୍ଟ୍ରେଲୀୟ ଖବରଦାତା, ଯିଏ ଚାଇନା ଜେଲରେ ବନ୍ଦୀ ଅଛନ୍ତି। ତିନି ବର୍ଷ ପୂର୍ବେ ସେ ରହସ୍ୟମୟ ପରିସ୍ଥିତିରେ ଅଦୃଶ୍ୟ ହୋଇଯାଇଥିଲେ ଏବଂ ପରେ ଜାଣିବାକୁ ମିଳିଥିଲା ଯେ ତାଙ୍କୁ ଚାଇନା ଜେଲରେ ରଖାଯାଇଛି।
ଚେଙ୍ଗ ଲେଇ ଜେଲରୁ ତାଙ୍କ ସାଥୀ ନିକ କୁଲିଙ୍କୁ ଏକ ଚିଠି ଲେଖିଛନ୍ତି ଯାହାକୁ ନିକ ସୋସିଆଲ ମିଡିଆରେ ପୋଷ୍ଟ କରିଛନ୍ତି। ଚେଙ୍ଗ ଲେଇଙ୍କ ଏହି ଚିଠି ସୋସିଆଲ ମିଡିଆରେ ଭାଇରାଲ ହେଉଛି। ଏହି ଚିଠିରେ ସେ ଲେଖିଛନ୍ତି ଯେ ‘ମୋ ସେଲରେ ସୂର୍ଯ୍ୟ କିରଣ କେବଳ ଝରକା ପାଖରୁ ଆସିଥାଏ କିନ୍ତୁ ମୁଁ ଗୋଟିଏ ବର୍ଷରେ ମାତ୍ର ୧୦ ଘଣ୍ଟା ସୂର୍ଯ୍ୟଙ୍କ ଠାରେ ଠିଆ ହୋଇପାରେ। ସେ ଲେଖିଛନ୍ତି ଯେ ଗତ ତିନିବର୍ଷ ଧରି ସେ ଗଛ, ବୁଦା କିମ୍ବା ବେଳାଭୂମି ଦେଖି ନ ଥିଲେ। ସେ କହିଥିଲେ ଯେ ବର୍ଷକୁ ଥରେ ତାଙ୍କ ଖଟ ଖୋଲା ଆକାଶରେ ବାହାରକୁ ନିଆଯାଏ। ଚେଙ୍ଗ କହିଛନ୍ତି ଯେ ସେ ତାଙ୍କ ଶିଶୁ କନ୍ୟାକୁ ମିସ ବହୁତ ମନେପକାଉଛନ୍ତି।