ସିଡନୀ,୨୨।୧୧: କ୍ରିକେଟ ବିଶ୍ୱକପ ଟ୍ରଫି ସହ ଅଷ୍ଟ୍ରେଲୀୟ ଅଧିନାୟକ ପ୍ୟାଟ କମିନ୍ସ ଅଷ୍ଟ୍ରେଲିଆରେ ଅବତରଣ କରିଛନ୍ତି। କିନ୍ତୁ ବିମାନବନ୍ଦରରେ ବିଶ୍ୱକପ ବିଜେତା ଅଧିନାୟକଙ୍କୁ ସ୍ବାଗତ କରିବାକୁ କେହି କରିବାକୁ ଅନେକ ପ୍ରଶଂସକ ଆସି ନ ଥିଲେ। ଏହା ଦେଖି ଭାରତୀୟ ପ୍ରଶଂସକମାନେ ଆଶ୍ଚର୍ଯ୍ୟ ପ୍ରକାଶ କରିଛନ୍ତି। କମିନ୍ସ ବିମାନବନ୍ଦରରେ ନିଜର ଲଗେଜ ଟ୍ରଲି ନେଇ ଯାଉଥିବାବେଳେ କିଛି ଫଟୋଗ୍ରାଫର ତାଙ୍କ ଆଗମନରେ ଫଟୋ କ୍ଲିକ କରିଥିଲେ।
ଭାରତ ଯଦି ଚାମ୍ପିୟନ୍ ହୋଇଥାନ୍ତା ତେବେ ଖେଳାଳିଙ୍କୁ ଜୋରଦାର ସ୍ବାଗତ କରାଯାଇଥାନ୍ତା ବୋଲି କିଛି ପ୍ରଶଂସକ କହିଛନ୍ତି।
ଷଷ୍ଠ ଥର ଅଷ୍ଟ୍ରେଲିଆ ବିଶ୍ୱକପ୍ ଟାଇଟଲ ଜିତିଛି। ଗତ ରବିବାର ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଅଷ୍ଟ୍ରେଲିଆ ୬ ଉଇକେଟରେ ଭାରତକୁ ପରାସ୍ତ କରିଥିଲେ।