ବେଜ୍ଞାନିକମାନେ ସବୁବେଳେ କିଛି ନା କିଛି ନୂଆ ଅନୁସନ୍ଧାନ କରିଥାନ୍ତି। ବୈଜ୍ଞାନିକମାନେ ଏବେ ଚନ୍ଦ୍ରରେ କିଛି ନୂଆ କରିବାର ଅନୁସନ୍ଧାନରେ ଅଛନ୍ତି। ଅଷ୍ଟ୍ରେଲିଆର ଅନୁସନ୍ଧାନକାରୀମାନେ ଏଥିପାଇଁ ଏକ ବିଶେଷ ଯୋଜନା ପ୍ରସ୍ତୁତ କରିଛନ୍ତି। ସେମାନେ ଚନ୍ଦ୍ରପୃଷ୍ଠରେ ଉଦ୍ଭିଦ ଲଗାଇବାକୁ ଚାହୁଁଛନ୍ତି।
ଅଷ୍ଟ୍ରେଲିଆର ଏକ ଷ୍ଟାର୍ଟ ଅପ୍ ୨୦୨୫ ଆରମ୍ଭ ସୁଦ୍ଧା ଚନ୍ଦ୍ରରେ ଉଦ୍ଭିଦ ବୃଦ୍ଧି କରିବାର ଯୋଜନା ଘୋଷଣା କରିଛି। ଚନ୍ଦ୍ରପୃଷ୍ଠରେ ଉଦ୍ଭିଦ ଜୀବନ ବୃଦ୍ଧି ପାଇପାରିବ କି ନାହିଁ ତାହାର ଅନୁସନ୍ଧାନ ପାଇଁ କମ୍ପାନୀ ଲୁନାରିଆ ଓ୍ବାନ ଏହାର ପ୍ରକଳ୍ପ ଆରମ୍ଭ କରିଥିଲା। ଅଷ୍ଟ୍ରେଲିୟା ନ୍ୟାଶନାଲ ୟୁନିଭର୍ସିଟି (ANU)ର ସହଯୋଗୀ ପ୍ରଫେସର ତଥା କମ୍ପାନୀର ବିଜ୍ଞାନ ପରାମର୍ଶଦାତା କେଟଲିନ ବର୍ଟ କହିଛନ୍ତି, ଉଦ୍ଭିଦ ଅଙ୍କୁର ବିଷୟରେ ଜ୍ଞାନକୁ ବ୍ୟବହାର କରିବାର ଏକ ସୁଯୋଗ। ତାଙ୍କ କହିବାନୁସାରେ, ଏପରି ଉଦ୍ଭିଦ ଚିହ୍ନଟ ହେବ ଯାହା ଚନ୍ଦ୍ରରେ ବଞ୍ଚିପାରିବ।
ଏହି ଅନୁସନ୍ଧାନ ନିରନ୍ତର ଖାଦ୍ୟ ଉତ୍ପାଦନ ପାଇଁ ନୂତନ ପଦ୍ଧତି ଖୋଲିବ ଏବଂ ଖାଦ୍ୟ ନିରାପତ୍ତାକୁ ପ୍ରୋତ୍ସାହିତ କରିବ ବୋଲି ଟିମ୍ ଆଶା କରୁଛି। ଏହି ମିଶନ ପାଇଁ, ଡିହାଇଡ୍ରେଡ୍ ଶୁପ୍ତ ମଞ୍ଜି ଏବଂ ଉଦ୍ଭିଦଗୁଡ଼ିକ ଏକ ସ୍ବତନ୍ତ୍ର ପରିକଳ୍ପିତ ଚାମ୍ବର ଦେଇ ପଠାଯିବ। ଏହାକୁ ପଠାଇବା ପାଇଁ, ମହାକାଶଯାନର ସାହାଯ୍ୟ ନିଆଯିବ। ଏହା ଏକ ଇସ୍ରାଏଲ ଚନ୍ଦ୍ର ମିଶନ। ଚନ୍ଦ୍ରରେ ଅବତରଣ ପରେ, ସେହି ଉଦ୍ଭିଦ ବଢ଼ିବ। ଜଳ ମାଧ୍ୟମରେ ପୁଣି ସକ୍ରିୟ ହୋଇଯବ। ବିଶ୍ୱର ବୈଜ୍ଞାନିକମାନଙ୍କ ପାଇଁ ଉପଲବ୍ଧ ତଥ୍ୟ ସହିତ ଉଦ୍ଭିଦ ଅଭିବୃଦ୍ଧି ଏବଂ ସ୍ବାସ୍ଥ୍ୟ ୭୨ ଘଣ୍ଟା ପାଇଁ ନଜର ରଖାଯିବ। ଏହି ଦଳରେ ଅଷ୍ଟ୍ରେଲିଆ, ଇସ୍ରାଏଲ, ଦକ୍ଷିଣ ଆଫ୍ରିକା ଏବଂ ଆମେରିକାର ବୈଜ୍ଞାନିକମାନେ ଅଛନ୍ତି।
