ନୂଆଦିଲ୍ଲୀ,୧।୩: ଗୁଜରାଟରେ ଅଷ୍ଟ୍ରେଲିଆ ବିଶ୍ୱବିଦ୍ୟାଳୟ କ୍ୟାମ୍ପସ୍ ଖୋଲାଯିବାକୁ ଚିନ୍ତା କରୁଛନ୍ତି ଅଷ୍ଟ୍ରେଲିଆ ସରକାର। ଏନେଇ ଅଷ୍ଟ୍ରେଲିଆର ଶିକ୍ଷା ମନ୍ତ୍ରୀ ଜେସନ କ୍ଲାର ସୂଚନା ଦେଇଛନ୍ତି। କ୍ଲାର କହିଛନ୍ତି, ୱୋଲଙ୍ଗଙ୍ଗ ବିଶ୍ୱବିଦ୍ୟାଳୟ ଭାରତର ଗୁଜରାଟରେ ଏହାର ପ୍ରଥମ କ୍ୟାମ୍ପସ ଖୋଲିବାକୁ ଚିନ୍ତା କରୁଛି। ଭାରତରେ କ୍ୟାମ୍ପସ ଖୋଲିବାରେ ଅଷ୍ଟ୍ରେଲିଆର ଏହା ପ୍ରଥମ ଶିକ୍ଷାନୁଷ୍ଠାନ ହେବ। ଆସନ୍ତାକାଲି ଭାରତ ଏବଂ ଅଷ୍ଟ୍ରେଲିଆ ଉଭୟ ଦେଶରେ ବିଶ୍ୱବିଦ୍ୟାଳୟ ଡିଗ୍ରୀ ହାସଲ କରିବାକୁ ଏକ ଚୁକ୍ତିନାମା ସ୍ବାକ୍ଷର କରିବେ। ଏହା ଅଷ୍ଟ୍ରେଲିଆରେ ଡିଗ୍ରୀ ହାସଲ କରିବାକୁ ଚାହୁଁଥିବା ଭାରତୀୟ ଛାତ୍ରମାନଙ୍କ ପାଇଁ ଏହା ସହଜ କରିବ।
ଅଷ୍ଟ୍ରେଲିଆର ଶିକ୍ଷା ମନ୍ତ୍ରୀ ଜେସନ କ୍ଲାର ଚାରି ଦିନିଆ ଭାରତ ଗସ୍ତରେ ଅଛନ୍ତି। କ୍ଲାରଙ୍କ ସହିତ ଅଷ୍ଟ୍ରେଲୀୟ ବିଶ୍ୱବିଦ୍ୟାଳୟର ୧୦ ଜଣ କୁଳପତି ତଥା ୱୋଲଙ୍ଗଙ୍ଗ ବିଶ୍ୱବିଦ୍ୟାଳୟର ବିଶ୍ୱ ବ୍ରାଣ୍ଡ ଆମ୍ବାସାଡର ତଥା ଅଷ୍ଟ୍ରେଲୀୟ ପୂର୍ବତନ କ୍ରିକେଟର ଆଦାମ ଗିଲକ୍ରିଷ୍ଟଙ୍କ ସମେତ ଅନ୍ୟ ଉଚ୍ଚଶିକ୍ଷା ନେତାଙ୍କ ଏକ ପ୍ରତିନିଧୀ ଦଳ ଉପସ୍ଥିତ ଥିଲେ।
