ଥିରୁଭାନନ୍ତପୁରମ୍,୧୯।୯: କେରଳର ଜଣେ ଅଟୋ ଚାଳକ ୨୫ କୋଟି ଟଙ୍କାର ଲଟେରି ଜିତିଛନ୍ତି। ଅଟୋରୁ ରୋଜଗାର ଭଲ ହେଉ ନ ଥିବାରୁ କେରଳର ଶ୍ରୀବରହାମରେ ରହୁଥିବା ଅନୂପ ମାଲେସିଆରେ ରୋଷେୟା ଚାକିରି କରିବାକୁ ମନସ୍ଥିର କରିଥିଲେ। ଏଥିଲାଗି ବ୍ୟାଙ୍କରେ ୩ ଲକ୍ଷ ଟଙ୍କାର ଋଣ ମଞ୍ଜୁର ହୋଇଯାଇଥିଲା। କିନ୍ତୁ ସୌଭାଗ୍ୟବଶତଃ ରବିବାର ଅନୂପ ଓମାନ ବମ୍ପର ଲଟେରି ଜିତିଯାଇଛନ୍ତି ।
ଶନିବାର ଟିଜେ ୭୫୦୬୦୫ ନମ୍ବର ଥିବା ଲଟେରିକୁ ସେ କିଣିଥିଲେ। ଅନୂପ ଦୀର୍ଘ ୨୨ ବର୍ଷ ଧରି ଲଟିରି କିଣି ଆସୁଛନ୍ତି। ଏବେ ଜିତିଥିବା ଟଙ୍କାରେ ପରିବାର ପାଇଁ ଗୋଟିଏ ଭଲ ଘର କରିବା ସହ ସେ କରିଥିବା ସମସ୍ତ କରଜ ଶୁଝିବେ ବୋଲି କହିଛନ୍ତି। ଟ୍ୟାକ୍ସ ବାବଦକୁ ୧୦ କୋଟି ଟଙ୍କା କଟିଯିବା ପରେ ତାଙ୍କୁ ପ୍ରାୟ ୧୫ କୋଟି ଟଙ୍କା ମିଳିବ ।