ଭଦ୍ରକ ଅଫିସ, ୨୪।୧୦: ଭଦ୍ରକ ଜିଲା ଧାମନଗର-ଚୁଡ଼ାକୁଟି ରାସ୍ତାର ପଣ୍ଡୁବଜାର ଛକ ନିକଟରେ ରବିବାର ଏକ କିରୋସିନ ବୋଝେଇ ଅଟୋ (ନଂ. ଓଡି ୨୨ ଡି ୮୯୩୫) ଜଳିଯାଇଛି। ହେଲେ ଗାଡି ଡ୍ରାଇଭର ଅଳ୍ପକେ ବର୍ତ୍ତି ଯାଇଛନ୍ତି।
ସୂଚନା ଅନୁଯାୟୀ, ଉକ୍ତ ଅଟୋରେ ଜୟନଗର ସ୍ଥିତ ଡିପୋରୁ ମହାଲକ୍ଷ୍ମୀ ଏସ୍ଏଚ୍ଜି (ସ୍ବୟଂସହାୟକ ଗୋଷ୍ଠୀ) ପିଡିଏସ୍ କିରୋସିନ ଏକ ହଜାର ଲିଟର କଲ୍ୟାଣୀନଗରୀ ଅଞ୍ଚଳକୁ ଯାଉଥିଲା। ପଣ୍ଡୁବଜାର ଛକରେ ହଠାତ୍ ଅଟୋଟି ଜଳିବାକୁ ଲାଗିଥିଲା। ଏହା ଦେଖି ଡ୍ରାଇଭର ଗାଡ଼ିରୁ ଓହ୍ଲାଇ ଦୌଡ଼ି ପଳାଇଥିଲେ। ଖବର ପାଇ ଧାମନଗର ଅଗ୍ନିଶମ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚିବା ବେଳକୁ ଅଟୋଟି ସମ୍ପୂର୍ଣ୍ଣ ପୋଡ଼ିଯାଇଥିଲା। ତେବେ କେଉଁ କାରଣରୁ ଅଟୋରେ ନିଅଁା ଲାଗିଲା ତାହା ସ୍ପଷ୍ଟ ହୋଇନାହିଁ।