ଦାରିଙ୍ଗବାଡି,୨୭।୧୨(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ଥାନା ବାଡାବାଙ୍ଗା ପଞ୍ଚାୟତ ଗଦଡି ଅଞ୍ଚଳରେ ବେଆଇନ ମହୁଲ ଫୁଲ ଚୋରାଚାଲାଣ ବେଳେ ମାଡିବସିଲା ଅବକାରୀ ବିଭାଗ। ଅଟୋ ସମେତ ୪ ଶହ କେଜି ମହୁଲ ଫୁଲକୁ ଅବକାରୀ ବିଭାଗ ଜବତ କରିଛି।
ରିପୋର୍ଟ ଅନୁସାରେ ଏକ ଅଟୋ ନଂ (ଓଡି ୧୨ -୨୩୮୯)ଟି ସିମନବାଡିରୁ ବାଡାବାଙ୍ଗା ଅଭିମୁଖେ ଯାଉଥିଲା। ପୂର୍ବରୁ ସେହି ରାସ୍ତାରେ ଅବକାରୀ ବିଭାଗ ପାଟ୍ରୋଲିଂ କରୁଥୁବା ବେଳେ ଉକ୍ତ ଅଟୋ ସନ୍ଦେହକୁ ଆସିବାରୁ ତାକୁ ଯାଞ୍ଚ କରିବାରୁ ମହୁଲ ଫୁଲ ଥିବା ଜଣାପଡିଥିଲା।
ଜବତ ହୋଇଥିବା ମହୁଲ ଫୁଲର ଆନୁମାନିକ ମୂଲ୍ୟ ୮ ହଜାର ୮ ଶହ ଟଙ୍କା ହେବ ବୋଲି ବିଭାଗ କହିଛି। ଏହି ମହୁଲ କୋଉଠୁ ଆସୁଥିଲା ଏବଂ କେଉଁ ସ୍ଥାନକୁ ଏହା ଚୋରାଚାଲାଣ କରାଯାଉଥିଲା ସେ ସମ୍ପର୍କରେ ତଦନ୍ତ କରାଯାଉଛି। ବର୍ତ୍ତମାନ ସୁଦ୍ଧା ଅଟୋ ଚାଳକ ସନିଦେବ ପ୍ରଧାନଙ୍କୁ ଗିରଫ କରାଯାଇଥିବା ଅବକାରୀ ବିଭାଗ ର ଓଆଇସି ପ୍ରକାଶ ଚନ୍ଦ୍ର ମଲିକ କହିଛନ୍ତି।