ବ୍ୟାଙ୍ଗକକ୍,୭।୩ : ଗତ ଶୁକ୍ରବାର ପ୍ରାଣ ହରାଇଥିବା ଅଷ୍ଟ୍ରେଲିଆର କିମ୍ବଦନ୍ତୀ କ୍ରିକେଟର ଶେନ ଓ୍ବର୍ନଙ୍କ ମୃତ୍ୟୁ ପଛର ପ୍ରକୃତ କାରଣ ଜଣାପଡ଼ିଛି। ତାଙ୍କ ମୃତ୍ୟୁର କାରଣ ସମ୍ପୂର୍ଣ୍ଣ ପ୍ରାକୃତିକ ଥିଲା ବୋଲି ବ୍ୟବଚ୍ଛେଦ ରିପୋର୍ଟ ଆସିବା ପରେ ସୋମବାର ଥାଇଲାଣ୍ଡ ପୋଲିସ ପକ୍ଷରୁ କୁହାଯାଇଛି।
ଓ୍ବର୍ନଙ୍କ ପରିବାରବର୍ଗଙ୍କୁ ବ୍ୟବଚ୍ଛେଦରୁ କ’ଣ ମିଳିଛି, ତାହା କୁହାଯାଇଛି। ସେମାନେ ଏହାକୁ ଗ୍ରହଣ କରିଛନ୍ତି। ତାଙ୍କ ମୃତଦେହକୁ ପରିବାର ବର୍ଗଙ୍କ ପାଖକୁ ଅଷ୍ଟ୍ରେଲିଆ ପଠାଇବା ଲାଗି ଅଷ୍ଟ୍ରେଲିଆନ କନସୁଲାର ଅଧିକାରୀଙ୍କୁ ହସ୍ତାନ୍ତର କରାଯିବ ବୋଲି ଡେପୁଟି ପୋଲିସ ପ୍ରବକ୍ତା କହିଛନ୍ତି।
“ଆଜି ତଦନ୍ତକାରୀ ଅଧିକାରୀଙ୍କୁ ବ୍ୟବଚ୍ଛେଦ ରିପୋର୍ଟ ମିଳିଛି। ସେଥିରେ ତାଙ୍କ ମୃତ୍ୟୁ ପଛର କାରଣ ସମ୍ପୂର୍ଣ୍ଣ ପ୍ରାକୃତିକ” ବୋଲି କୁହାଯାଇଛି।
