ମୁଜାଫରପୁର,୯ ।୨: ବୁଧବାର ସନ୍ଧ୍ୟାରେ ଅବଧ ଆସାମ ଏକପ୍ରେସ ଏକ ଦୁର୍ଘଟଣାର ଶିକାର ହେବାକୁ ଯାଉଥିବା ବେଳେ ଅଳ୍ପକେ ବର୍ତ୍ତି ଯାଇଛି । ଏହାର ବି-୨ ଏସି କୋଚ ହଠାତ୍ ଧୂଆଁରେ ଭରି ଯାଇଥିବା ବେଳେ ଯାତ୍ରୀମାନେ ହଡବଡେଇ ଯାଇଥିଲେ । ଟ୍ରେନରେ ଯାତ୍ରା କରୁଥିବା ଜଣେ ଯାତ୍ରୀ ନିଜର ଉପସ୍ଥିତ ବୁଦ୍ଧିରେ ରାମଦୟାଳୁ ଷ୍ଟେଶନର ଆଉଟରେ ଚେନ୍ ପୁଲିଂ କରି ଦେଇଥିଲେ । ଫଳରେ ଟ୍ରେନ୍ ଅଟକିବା ପରେ ଏସିବଗିର ଯାତ୍ରୀମାନେ ଜୀବନ ବଞ୍ଚାଇବାକୁ ଜଣକ ପରେ ଜଣେ ବଗିରୁ ଡେଇଁ ପଡିଥିଲେ । ୧୫୯୦୯ ଅବଧ ଆସାମ ଏକ୍ସପ୍ରେସ୍ ଦିବ୍ରୁଗଡ଼ରୁ ଲାଲଗଡ଼ ଯାଉଥିଲା । କିଛି ସମୟ ପାଇଁ ଟ୍ରେନ୍ରେ ନିଆଁ ଲାଗିଯାଇଥିବା ମଧ୍ୟ ଶୁଣିବାକୁ ମିଳିଥିଲା ।
ଏସି କୋଚରେ ଧୂଆଁ ଦେଖି ଯାତ୍ରୀମାନ ଡରି ଯାଇଥିଲେ । ମୁଜାଫରପୁରରୁ ପ୍ରାୟ ୬ଟା ୩୦ରେ ଟ୍ରେନ୍ ଯାତ୍ରା ଆରମ୍ଭ କରିଥିଲା । କୁହାଯାଉଛି କି କୌଣସି କାରଣରୁ ଏସି ବଗିର ଚକା ଜାମ ହୋଇଯିବାରୁ ଧୂଆଁ ବାହାରିଥିଲା । ଆଉ ଏହାପରେ ଯାତ୍ରୀଙ୍କ ମଧ୍ୟରେ ଭୟ ଦେଖାଦେଇଥିଲା ।